მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ევროპაში გაზი 1,5-ჯერ გაძვირდა

© photo: Sputnik / Ekaterina Solovieva / ფოტობანკში გადასვლა„ჩრდილპეთი ნაკადი-2“-ის მშენებლობა
„ჩრდილპეთი ნაკადი-2“-ის მშენებლობა - Sputnik საქართველო, 1920, 24.02.2022
გამოწერა
Yandex newsTelegram
ევროპაში ზაფხულის ბოლოსთვის საწვავი 250-300-დან 600 დოლარამდე გაძვირდა, ოქტომბრის დასაწყისისთვის – 1000 დოლარამდე.
თბილისი, 24 თებერვალი – Sputnik. მარტის ფიუჩერსების ფასები გაზზე სულ უფრო სწრაფად იზრდება, ზრდა უკვე 60%-ს აღემატება. ამ მონაცემებს აქვეყნებს ლონდონის ბირჟა ICE Futures.
ბოლო დღეებში საგარეო პოლიტიკური რისკების გაძლიერების ფონზე გაზის ფასები მკვეთრად გაიზარდა. თუ ორშაბათს საანგარიშო ფასმა თითქმის 850 დოლარი შეადგინა, ოთხშაბათს ის უკვე მიუახლოვდა 1050 დოლარს ათას კუბომეტრ ბუნებრივ აირზე (ორ დღეში ზრდა 22,5%).
19:38 საათის მონაცემებით, მარტის ფიუჩერსების ფასი TTF-ის ინდექსით თითქმის 61,7%-ით გაიზარდა და თითქმის 1650 დოლარი შეადგინა ათას კუბომეტრ ბუნებრივ აირზე.
ევროპაში გაზის ფასების შესამჩნევი ზრდა გაზაფხულზე დაიწყო. ზაფხულის ბოლოს საწვავის ფასი 250-300-დან 600 დოლარამდე გაიზარდა, ოქტომბრის დასაწყისში კი – 1000 დოლარამდე. ფიუჩერსების ბაზარზე ისტორიული მაქსიმუმი – 2190 დოლარი 2021 წლის 21 დეკემბერს დაფიქსირდა. შემდეგ კოტირებები კორექციის შედეგად შემცირდა, მაგრამ ფასები კვლავ მაღალი რჩება.
ექსპერტებმა საწვავის ფასების მსგავსი ზრდა რამდენიმე ფაქტორს მიაწერეს: თხევად ბუნებრივ გაზზე მაღალი მოთხოვნა აზიაში, შეზღუდული მიწოდება ძირითადი მომწოდებლების მხრიდან და ევროპული მიწისქვეშა საცავების შევსების დაბალი დონე ხანგრძლივი ცივი ზამთრისა და 2021 წლის ცხელი ზაფხულის შემდეგ.
ყველა ახალი ამბავი
0