Hugo Boss-ისა და Marc O’Polo-ს მწარმოებელი კომპანია ქუთაისში სამკერვალო საწარმოს გახსნის

© Facebook / Ministry of Economy and Sustainable Developmentსამკერვალო ფაბრიკა ქუთაისში
სამკერვალო ფაბრიკა ქუთაისში - Sputnik საქართველო, 1920, 22.02.2022
გამოწერა
Yandex newsTelegram
ეკონომიკის მინისტრის განცხადებით, აღნიშნული კომპანიების საქართველოში შემოსვლა განსაკუთრებით საინტერესოა დასაქმების გაზრდის კუთხით.
თბილისი, 22 თებერვალი - Sputnik. კომპანია „ბოკ ჰოლდინგი“, რომელიც პროდუქციას აწვდის ისეთ ბრენდებს, როგორიცაა Hugo Boss და Marc O’Polo, ქუთაისის ინდუსტრიულ ზონაში სამკერვალო საწარმოს გახსნას გეგმავს. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.
დღეს ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი გერმანული „ბოკ ჰოლდინგის“ დირექტორს დიტრიხ ბოკს და მის თანხმლებ პირებს შეხვდა. შეხვედრაზე გერმანული ჰოლდინგის მიერ საქართველოში დაგეგმილი სამომავლო ბიზნესპროექტები განიხილეს.
გავრცელებული ინფორმაციით, კომპანიაში საწყის ეტაპზე 350 ადამიანი დასაქმდება. მათივე ინფორმაციით, პროექტის განვითარების პარალელურად დასაქმებულთა რიცხვი 1.500-მდე გაიზრდება.
„საქართველოში ისეთი კომპანიების შემოყვანა, როგორიცაა „ბოკ ჰოლდინგი“, განსაკუთრებით საინტერესოა დასაქმების გაზრდის კუთხით. ინვესტორებთან მუშაობისას ყოველთვის ჩვენი მთავარი ამოცანა უნდა იყოს რაც შეიძლება მეტი დასაქმება საუკეთესო პირობებით, რათა ჩვენი მოსახლეობის შემოსავლები გაიზარდოს. ვფიქრობ, ეს იქნება მორიგი წარმატებული ინვესტიცია, რომელიც ქუთაისის ეკონომიკას ხელს შეუწყობს“, - განაცხადა დავითაშვილმა.
ამასთან, როგორც დიტრიხ ბოკმა განაცხადა, ჰოლდინგი ასევე ფუნქციონირებს უკრაინაში, იტალიაში, ბულგარეთში, რუმინეთში.
შეხვედრაში ასევე მონაწილეობდა სააგენტოს „აწარმოე საქართველოში“ დირექტორი მიხეილ ხიდურელი.
წყარო - ეკონომიკისა და მდგრადი განვითარების სამინისტრო
ყველა ახალი ამბავი
0