საქართველო პეკინის ოლიმპიადაზე: მოციგურავე ანასტასია გუბანოვამ მე-11 ადგილი დაიკავა: ვიდეო

© photo: Sputnik / Alexander Vil'f / ფოტობანკში გადასვლაანასტასია გუბანოვა
ანასტასია გუბანოვა - Sputnik საქართველო, 1920, 17.02.2022
გამოწერა
Yandex newsTelegram
ერთ-ორ დღეს დავისვენებ, მერე კი მსოფლიო ჩემპიონატისთვის მზადებას დავიწყებ, განაცხადა სპორტსმენმა
თბილისი, 17 თებერვალი - Sputnik. ანასტასია გუბანოვამ, რომელიც პეკინის ოლიმპიადაზე საქართველოს წარმოადგენს, ქალთა შორის ინდივიდუალურ შეჯიბრებაში შემაჯამებელი მე-11 ადგილი დაიკავა.
გუბანოვას თავისუფალი პროგრამა მსაჯებმა 135,58 ქულით შეაფასეს (70,06 ქულ ტექნიკური ელემენტებისთვის და 65,52 ქულა პროგრამული კომპონენტებისთვის). შედეგად მთლიანობაში მოკლე პროგრამის (65,40) ქულების ჩათვლით მოციგურავემ 200,98 ქულა დააგროვა. გუბანოვასთვის ეს შედეგი კარიერაში საუკეთესო იყო.
ამასთან, გუბანოვამ ამ პროგრამაში ოლიმპიადაზე საქართველოს საუკეთესო შედეგის გაუმჯობესება ვერ შეძლო. ტურინის ოლიმპიურ თამაშებზე (2006) ელენე გედევანიშვილმა მე-10 ადგილი დაიკავა.
შეჯიბრების შემდეგ გუბანოვამ ოლიმპიადაზე თავის გამოსვლაზე კომენტარი გააკეთა:
„ეს გამოსვლა დედაჩემს მივუძღვენი იმ შრომისთვის, რომელიც მან მთელი ცხოვრების განმავლობაში ჩემში ჩადო. მიხარია, რომ ყველაფერი გამოვიდა. ბოლოს ცრემლები წამომივიდა - ეს უბრალოდ ემოციებია. ოლიმპიადა ძალიან წარმატებული იყო ჩემთვის. ერთ-ორ დღეს დავისვენებ, მერე კი მსოფლიო ჩემპიონატისთვის მზადებას დავიწყებ“, - ციტირებს მოციგურავის სიტყვებს გამოცემა Sport-Express.
გუბანოვამ ასევე მადლობა გადაუხადა საქართველოს ფიგურული სრიალის ფედერაციას:
„რუსეთი ძალიან მიყვარს, მაგრამ აქ აღმოვჩნდი ძალიან მეგობრული და შეკრული ფედერაციის და საქართველოს გუნდის წყალობით. მათი ძალიან მადლობელი ვარ ყველაფრისთვის, რასაც ჩვენთვის აკეთებენ“, - განაცხადა გუბანოვამ.
ფიგურულ სრიალში ოლიმპიური ჩემპიონი რუსეთის წარმომადგენელი გახდა >>
პროგრამის ამ სახეობაში ოლიმპიური ჩემპიონი რუსი ანა შჩერბაკოვა (255,95) გახდა. ვერცხლი ასევე ეკუთვნის რუსეთის წარმომადგენელს - ალექსანდრა ტრუსოვას (251,73). აღსანიშნავია, რომ ორივე სპორტსმენი ეთერი თუთბერიძის აღზრდილია. მესამე ადგილი იაპონელმა კაორი საკამოტომ (233,13) დაიკავა.
ხვალ, 18 თებერვალს, მედლებისთვის ბრძოლაში სპორტული წყვილები ჩაერთვებიან. ამ შეჯიბრებაში საქართველოს კარინა საფინა და ლუკა ბერულავა წარადგენენ.
წყარო - გამოცემა Sport-Express.
ყველა ახალი ამბავი
0