Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

NCDC: დღეს გამოქვეყნებული კორონავირუსის ახალი მონაცემები არასწორია

© AP Photo / Jerome Delayლაბორატორია
ლაბორატორია - Sputnik საქართველო, 1920, 14.02.2022
გამოწერა
Yandex newsTelegram
ინფიცირების შემთხვევების ყოველდღიური მაჩვენებელი ბოლო დღეებში 20 ათასს აჭარბებს.
თბილისი, 14 თებერვალი — Sputnik. ბოლო 24 საათში კორონავირუსით ინფიცირების ახალი შემთხვევების შესახებ გავრცელებული ინფორმაცია არაზუსტია და არსებულ რეალობას სრულად არ ასახავს.
Stopcov.ge-ზე დღეს გამოქვეყნებული ინფორმაციის თანახმად, საქართველოში კორონავირუსით ინფიცირების 4.028 ახალი შემთხვევა დაფიქსირდა და გარდაიცვალა 21 პაციენტი.
დაავადებათა კონტროლის ეროვნული ცენტრის მიერ გავრცელებული ინფორმაციით, მათ ვებ-გვერდზე ზუსტი ინფორმაციის განთავსება ტექნიკური ხარვეზის გამო ვერ მოხერხდა.

„ვფიქრობთ, რომ „ომიკრონის" ცირკულაციის ფონზე ამ კვირაში მაინც უნდა დაიწყოს პიკის გადავლის ეტაპი. 4 ათასი შემთხვევა რეალურ სიტუაციას ვერ ასახავს, რადგან ტექნიკური მიზეზის გამო ვერ მოხდა ყველა შემთხვევის ატვირთვა, შაბათ-კვირას პორტალის განახლება ხდებოდა. ამიტომ დღევანდელი ციფრებით ვერ ვიმსჯელებთ", – განაცხადა ცენტრის ხელმძღვანელმა ამირან გამყრელიძემ.

საქართველო „ომიკრონ" შტამისგან გამოწვეულ კორონავირუსის პანდემიის მეექვსე ტალღას ებრძვის. აღნიშნული შტამი უფრო სწრაფად ვრცელდება, თუმცა, წინა შტამებისგან განსხვავებით, ნაკლები სიმძიმით მიმდინარეობს.
ინფიცირების შემთხვევების ყოველდღიური მაჩვენებელი ბოლო დღეებში 20 ათასს აჭარბებს, მაშინ, როდესაც იანვრის შუა პერიოდში ინფიცირებულთა საშუალო მაჩვენებელი 4–5 ათასი იყო. ეპიდემიოლოგები ამას ახალი შტამის - „ომიკრონის" სწრაფ გავრცელებას უკავშირებენ.
ყველა ახალი ამბავი
0