საქართველოში 25 წლის ქალი მოიტაცეს

© Pixabay / StockSnapფეხშიშველი პატარძალი
ფეხშიშველი პატარძალი - Sputnik საქართველო, 1920, 12.02.2022
გამოწერა
Yandex newsTelegram
გამტაცებლებს 4 წლამდე პატიმრობა ემუქრება
თბილისი, 12 თებერვალი - Sputnik. პოლიციამ დაადგინა ქალაქ რუსთავში გატაცებული 25 წლის მედდის ადგილსამყოფელი, იტყობინება ადგილობრივი საინფორმაციო სააგენტო „ინფო რუსთავი“.
სააგენტოს ცნობით, ახალგაზრდა მედდა გარდაბნის მუნიციპალიტეტის სოფელ გაჩიანში საქმროს სახლში მისმა ახლობელმა ქალმა მოტყუებით მიიყვანა. მას შემდეგ რაც 30 წლის საქმროს განზრახვის შესახებ შეიტყო, პატარძალმა გაქცევა სცადა, მაგრამ ჩაკეტილი აღმოჩნდა.
როდესაც ახალგაზრდა ქალი სახლში არ დაბრუნდა, მისმა ნათესავებმა განგაში ატეხეს. ოჯახმა მიმართა პოლიციას, რომელმაც გოგონას ძებნა დაიწყო.
კვალის დაფარვის მიზნით, საქმროს ნათესავებმა გოგონა სხვა სოფელში გადაიყვანეს. მაგრამ ქორწინებამდე საქმე მაინც არ მივიდა.
რუსთავის პოლიციის თანამშრომლებმა ცხელ კვალზე აღმოაჩინეს სახლი, სადაც გოგონას მალავდნენ და სამი ადამიანი დააკავეს - მათ შორის საქმრო და საქმროს და. კიდევ ორი ადამიანი მიმალვაშია.
ოჯახის შექმნის მიზნით ადამიანის გატაცებისთვის მაქსიმალური სასჯელი 2-დან 4 წლამდე ვადით პატიმრობას ითვალისწინებს.
ყველა ახალი ამბავი
0