Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

განსხვავდება თუ არა კოვიდური და არაკოვიდური სურდო ერთმანეთისგან: ექიმის განმარტება

© Pixabay / 4330009გაციება
გაციება - Sputnik საქართველო, 1920, 11.02.2022
გამოწერა
თბილისი, 11 თებერვალი — Sputnik. კორონავირუსის შტამ „ომიკრონით“ ინფიცირების ერთ-ერთი ყველაზე ხშირი სიმპტომი — ეს სურდოა, თუმცა იგივე სიმპტომი ახასიათებს მწვავე რესპირატორულ ვირუსულ ინფექციასაც, აცხადებს ოტოლარინგოლოგი ივან ლესკოვი რადიო Sputnik-თან ინტერვიუში.
მისი თქმით, ადამიანი სურდოს თავისებურებების მიხედვით ვერ განსაზღვრავს, COVID-19-თან აქვს საქმე თუ სეზონურ გაციებასთან, ვინაიდან „კოვიდური სურდო არაფრით განსხვავდება არაკოვიდურისგან“.

„ეს არის ცხვირის გაჭედვა, ყელში უსიამოვნო შეგრძნება, შემდეგ კი გამონადენი ცხვრიდან. იწყება წყლისებური გამონადენით, რომელიც შემდეგ ლორწოვანი ხდება. შესაძლოა ჩირქოვანშიც კი გადავიდეს. ეს ყველაფერი შესაძლოა COVID-19-ის გამოვლინებაც იყოს და მწვავე რესპირატორული ვირუსული ინფექციისაც“, — ამბობს ექიმი.

მისი თქმით, „ომიკრონი“ ძალიან განსხვავდება „დელტასა“ თუ „უჰანის“ შტამისგან, რომელთა ამოცნობაც ყნოსვისა და გემოს დაკარგვით შეიძლებოდა. „ომიკრონის“ შემთხვევაში კი ეს არ ხდება, ვინაიდან ეს ვირუსი „უფრო ლოიალურია ადამიანის მიმართ“ და ყნოსვით ეპითელიუმზე „ხისტ გავლენას“ არ ახდენს.
იმ შემთხვევაში, თუ სურდო დაგეწყოთ, ოტოლარინგოლოგი გირჩევთ, თავი დაიზღვიოთ და მიმართოთ ექიმს, ვინაიდან თუ ცხვირიდან გამონადენი „ომიკრონის“ სიმპტომია, პაციენტი საშიშია ირგვლივ მყოფებისთვის.
„პირველი ორი-სამი დღის განმავლობაში ასეთი ადამიანი ძალიან საშიშია გადადების კუთხით. ამის შემდეგ საფრთხე მცირდება, ხოლო დაახლოებით 5-10 დღის შემდეგ (სამწუხაროდ, ამაში მკაფიო გაგება არ არსებობს) ის უკვე აღარ არის გადამდები“, — განმარტა სპეციალისტმა.
ამასთან ლესკოვი გირჩევთ, იმ შემთხვევაშიც კი, თუ დარწმუნებული ხართ, რომ სურდო გაციების გამოვლინებაა და არა კორონავირუსისა, PCR–ტესტით გადამოწმება მაინც საჭიროა, რათა შემდგომი გართულებები თუ უსიამოვნებები თავიდან აირიდოთ.
წყარო: რადიო Sputnik
ყველა ახალი ამბავი
0