საქართველოში ყველა ბრენდის სიგარეტი ერთნაირი შეფუთვით გაიყიდება

© photo: Sputnikსიგარეტი მაღაზიის დახლზე
სიგარეტი მაღაზიის დახლზე - Sputnik საქართველო, 1920, 10.02.2022
გამოწერა
Yandex newsTelegram
ჯანდაცვის სამინისტროში აცხადებენ, რომ ყველა ბრენდის სიგარეტის შეფუთვა ნაკლებად ფერადი და, შესაბამისად, ნაკლებად მიმზიდველიც გახდება.
თბილისი, 10 თებერვალი – Sputnik. ჯანდაცვის სამინისტრომ დაასრულა მუშაობა რეგლამენტის პროექტზე საქართველოში გაყიდული ყველა ბრენდის სიგარეტის ერთიანი შეფუთვის შესაქმნელად, განაცხადა ჯანდაცვის მინისტრის მოადგილემ თამარ გაბუნიამ პარლამენტში.
ყველა ბრენდის სიგარეტისთვის ერთიანი შეფუთვის სტანდარტის შემოღება თამბაქოს მოხმარების საწინააღმდეგო კანონმდებლობის ნაწილია, რომელიც საქართველოში 2017 წლიდან ამოქმედდა.
გაბუნიას თქმით, ტექნიკურ რეგლამენტზე მუშაობა ფაქტობრივად დასრულებულია და კანონმდებლობით აიკრძალება თამბაქოს ნაწარმის სტანდარტიზებული შეფუთვის გარეშე რეალიზაცია.
მისი თქმით, შეფუთვა იქნება ნაკლებად მიმზიდველი, რათა არ შეიქმნას იმგვარი შთაბეჭდილება, თითქოს თამბაქოს რომელიმე ერთი პროდუქტი სხვა პროდუქტზე ნაკლებად მავნებელია.

„მოლოდინი გვაქვს, რომ ამ ტიპის ცვლილებები ხელს შეუწყობს მწეველების რაოდენობის შემცირებას. ეს, რა თქმა უნდა, თავის მხრივ, დადებითად აისახება საზოგადოებრივი ჯანდაცვის იმ დიდ გამოწვევებზე, რომელიც ჩვენ წინაშე დგას“, – განაცხადა თამარ გაბუნიამ.

ამჟამად მოწევა აკრძალულია პრაქტიკულად ყველა საზოგადოებრივი თავშეყრის ადგილზე, გამონაკლისია კაზინოები და სასწავლო და სამედიცინო დაწესებულებებთან სპეციალურად გამოყოფილი ადგილები. ასევე შეუძლიათ მოწევა მსახიობებს სპექტაკლის დროს, თუ ამას რეჟისორის ჩანაფიქრი მოითხოვს.
ყველა ახალი ამბავი
0