„ქართულ ოცნებას“ პარლამენტში ახალი დეპუტატი შეემატება

© photo: Sputnikკახა კუჭავა
კახა კუჭავა - Sputnik საქართველო, 1920, 07.02.2022
გამოწერა
Yandex newsTelegram
საპროცედურო საკითხთა კომიტეტი დაეთანხმა კუჭავას გადაწყვეტილებას დეპუტატის მანდატის დატოვების თაობაზე.
თბილისი, 7 თებერვალი – Sputnik. დეპუტატ კახა კუჭავას, რომელიც 2021 წლის აპრილიდან 24 დეკემბრამდე პარლამენტის თავმჯდომარე იყო, წარსულში ცნობილი პოლიტიკოსი გიორგი ცაგარეიშვილი შეცვლის.
საპროცედურო საკითხთა კომიტეტი უკვე დაეთანხმა კუჭავას გადაწყვეტილებას დეპუტატის მანდატის დატოვების თაობაზე და საკითხს პარლამენტის კენჭისყრაზე უახლოეს სხდომაზე გაიტანს.
რაც შეეხება გიორგი ცაგარეიშვილს, მისი სადეპუტატო უფლებამოსილებაც იმავე სხდომაზე დამტკიცდება და პოლიტიკოსი პარლამენტში საქმიანობას შეუდგება.
ცაგარეიშვილისთვის ეს იქნება მეოთხე მოწვევის პარლამენტი. განათლებით იურისტს დეპუტატის სავარძელი 2004-დან 2016 წლამდე ეკავა.
კუჭავა საქართველოს პარლამენტის თავმჯდომარის თანამდებობიდან 2021 წლის 24 დეკემბერს გადადგა. მისი ადგილი „ქართული ოცნების“ ერთ-ერთმა ლიდერმა შალვა პაპუაშვილმა დაიკავა.
მასმედიაში გავრცელებული ინფორმაციით, პარლამენტის ყოფილი სპიკერი საქართველოს მთავრობის ერთ-ერთ მსხვილ პროექტს უხელმძღვანელებს.
ყველა ახალი ამბავი
0