ვითარება საქართველოს გზებზე: შეზღუდვების სრული ჩამონათვალი

© photo: Sputnik / Stringerთოვლი აჭარაში
თოვლი აჭარაში - Sputnik საქართველო, 1920, 05.02.2022
გამოწერა
შაბათ საღამოს ფარავნის უღელტეხილი ყველა სახის ტრანსპორტისთვის ჩაიკეტა
თბილისი, 5 თებერვალი — Sputnik. ინტენსიური თოვისა და ცუდი ხილვადობის გამო შეზღუდვები მოქმედებს როგორც დასავლეთ, ისე აღმოსავლეთ საქართველოს გზებზე.
მეორე დღეა ნარჩუნდება შეზღუდვა გომი-საჩხერე-ჭიათურა-ზესტაფონის გზის 1-107-ე კმ მონაკვეთზე, სადაც ტრაილერების მოძრაობაა აკრძალული.
ანალოგიური აკრძალვა მოქმედებს ქუთაისი-წყალტუბო-ცაგერი-ლენტეხი-ლასდილის ტრასის ლენტეხი-მელეს მონაკვეთზე.
ქუთაისი-ბაღდათი-აბასთუმანი-ბენარას გზის ქუთაისი-საირმის მონაკვეთზე აკრძალულია მისაბმელიანი, ნახევრადმისაბმელიანი და 30 ადგილზე მეტი ტევადობის ავტობუსების მოძრაობა, დანარჩენი სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია.
ასევე აკრძალულია ტრაილერების მოძრაობა საერთაშორისო მნიშვნელობის თბილისი-სენაკი-ლესელიძის გზის ჩუმათელეთი-ხუნევის მონაკვეთზე. ანალოგიური აკრძალვა ამავე გზის ქსანი-ხუნევის მონაკვეთზეც მოქმედებს.
ხოლო კოდა-ფარცხისი-მანგლისი-წალკა-ნინიწმინდის გზის 94-110-ე კმ მონაკვეთზე (ფარავნის უღელტეხილი) შაბათ საღამოდან მოძრაობა სრულად აიკრძალა.
უამინდობის მიუხედავად, თავისუფალია მოძრაობა რუსეთ-საქართველოს საზღვრის მიმართულებით. მცხეთა-სტეფანწმინდა-ლარსის გზა ყველა სახის ტრანსპორტისთვის თავისუფალია.
ასევე თავისუფალია მოძრაობა აღმოსავლეთ-დასავლეთის ჩქაროსნულ მაგისტრალზეც.
ამინდი საქართველოში - როდის ჩადგება ძლიერი ქარი >>
საქართველოს გზებზე არსებული ვითარების შესახებ ინფორმაციას საავტომობილო გზების დეპარტამენტი აქვეყნებს.
ყველა ახალი ამბავი
0