ცესკოს თავმჯდომარის არჩევა ორი კვირით გადაიდო

© photo: Sputnik / Stringerმამუკა მდინარაძე
მამუკა მდინარაძე - Sputnik საქართველო, 1920, 02.02.2022
გამოწერა
„ქართული ოცნების“ 12 დეპუტატი კორონავირუსით არის ინფიცირებული და მმართველი პარტია მათ გარეშე კენჭისყრაზე საკუთარ კანდიდატს ვერ გაიყვანს
თბილისი, 1 თებერვალი — Sputnik. პარლამენტი ცესკოს თავმჯდომარეს 14-18 თებერვლის პლენარული სხდომების კვირაში აირჩევს.
ცესკოს თავმჯდომარეობის კანდიდატები არიან ცესკოს მოქმედი თავმჯდომარე გიორგი კალანდარიშვილი და არასამთავრობო ორგანიზაცია „პლატფორმა 2020“-ის ხელმძღვანელი თენგიზ თევზაძე. კენჭისყრა ამ კვირაში იყო დაგეგმილი.
საკითხის გადატანის ინიციატივით მმართველი პარტია „ქართული ოცნება - დემოკრატიული საქართველოს“ ფრაქციის თავმჯდომარე მამუკა მდინარაძე გამოვიდა. მისი თქმით, მმართველი პარტიის 12 დეპუტატი კორონავირუსით არის ავად და ცესკოს თავმჯდომარის ასარჩევად პარტიას მათ გარეშე საჭირო ხმების მოგროვება გაუჭირდებოდა.
ცესკოს თავმჯდომარე გახდება ის კანდიდატი, რომელიც პარლამენტში ამჟამად წარმოდგენილი 148 დეპუტატის 2/3-ის მხარდაჭერას მიიღებს.
იურიდიულმა კომიტეტმა ცესკოს თავმჯდომარის კანდიდატურა მოიწონა >>
თუ ვერცერთი კანდიდატი ვერ მიიღებს ასეთ მხარდაჭერას, მაშინ ჩატარდება მეორე კენჭისყრა და კანდიდატი, რომელიც მიიღებს დეპუტატთა ხმების უბრალო უმრავლესობას, საქართველოს ცესკოს თავმჯდომარე გახდება.
დღეისათვის არცერთ პარტიას არ გააჩნია ხმების 2/3 იმისათვის, რომ რომელიმე კანდიდატის მხარდაჭერა უზრუნველყოს. თუმცა, „ქართულ ოცნებას“ აქვს საკმარისი მანდატები, რათა განმეორებით კენჭისყრაზე საქართველოს ცენტრალური საარჩევნო კომისიის თავმჯდომარის თანამდებობაზე საკუთარი კანდიდატი გაიყვანოს.
ყველა ახალი ამბავი
0