„თელასი“ მრიცხველის ჩვენებით უკმაყოფილო მოქალაქეებს მონაცემების გადამოწმებას ჰპირდება

© courtesy of JSC Telasiსარემონტო ბრიგადა
სარემონტო ბრიგადა - Sputnik საქართველო, 1920, 01.02.2022
გამოწერა
Yandex newsTelegram
ენერგოგამანაწილებელ კომპანიაში ირწმუნებიან, რომ იმ შემთხვევაში, თუ მონაცემების შესწავლის პროცესში გამოიკვეთა ტექნიკური მიზეზით გამოწვეული უზუსტობა, აღნიშნული დაუყონებლივ გასწორდება.
თბილისი, 1 თებერვალი – Sputnik. „თელასი“ მოქალაქეეებს, რომლებსაც მრიცხველის ჩვენების აღრიცხვასთან დაკავშირებით აქვთ პრეტენზია, სთხოვს კომპანიას მიმართონ, რათა მოხდეს მონაცემების გადამოწმება.
როგორც კომპანიის მიერ გავრცელებულ ინფორმაციაშია ნათქვამი, იმ შემთხვევაში, თუ მონაცემების შესწავლის პროცესში გამოიკვეთა ტექნიკური მიზეზით გამოწვეული უზუსტობა, აღნიშნული დაუყონებლივ გასწორდება და ინფორმაცია აბონენტს მიეწოდება.

„მომხმარებლებს შეუძლიათ მოგვაწოდონ ინფორმაცია: „თელასის“ ვებ-გვერდის ონლაინ-ჩატისა (www.telasi.ge) და Facebook-გვერდის პირადი შეტყობინების საშუალებით; ელექტრონული ფოსტით telasi@telasi.ge ან დარეკონ კომპანიის call-ცენტრში (2 77-99-99)“, – აღნიშნულია განცხადებაში.

„თელასი" ერთ-ერთი მსხვილი გამანაწილებელი კომპანიაა საქართველოში, რომელიც თითქმის 700 ათას მომხმარებელს ემსახურება.
ყველა ახალი ამბავი
0