„ეს სიცრუეა“: თეთრმა სახლმა უკრაინაზე CNN-ის ინფორმაცია უარყო
11:47 28.01.2022 (განახლებულია: 15:54 20.07.2023)
© photo: Sputnik / Aleksey Agaryshev
/ გამოწერა
თბილისი, 28 იანვარი − Sputnik. თეთრი სახლის ეროვნული უშიშროების საბჭოს წარმომადგენელმა ემილი ჰორნმა უარყო მანამდე გავრცელებული ინფორმაცია იმის შესახებ, თითქოს პრეზიდენტმა ჯო ბაიდენმა უკრაინელი კოლეგა ვოლოდიმირ ზელენსკი ბოლო სატელეფონო საუბრისას რუსული ჯარების „გარდაუვალი შეჭრის“ თაობაზე გააფრთხილა.
სატელეფონო საუბარი პრეზიდენტებს შორის ხუთშაბათს, დღის მეორე ნახევარში შედგა.
მანამდე ტელეარხ CNN-ის კორესპონდენტმა, ოფიციალური კიევის ანონიმ წარმომადგენელზე დაყრდნობით, თავის Twitter-აკაუნტზე ბაიდენისა და ზელენსკის საუბრის „დეტალები“ გამოაქვეყნა.
A Russian invasion is now virtually certain once the ground freezes, Biden said to Zelensky, a senior Ukrainian official told @mchancecnn. Kyiv could be “sacked," Russian forces may attempt to occupy it, “prepare for impact”, Biden said, according to this official.
— Alexander Marquardt (@MarquardtA) January 27, 2022
კერძოდ, როგორც ალექს მარკვარდტი წერდა, ბაიდენმა ზელენსკის განუცხადა, რომ „როგორც კი მიწა გაიყინება, რუსეთის შეჭრა უკრაინაში პრაქტიკულად გარდაუვალია“; და რომ რუსეთის ჯარები კიევის ოკუპირებას შეეცდებიან და გაძარცვავენ მას.
„ეს სიცრუეა. პრეზიდენტმა ბაიდენმა განაცხადა: არსებობს რეალური ალბათობა იმისა, რომ რუსები უკრაინაში თებერვალში შეიჭრნენ. მანამდე მან ეს საჯაროდაც განაცხადა და ჩვენ ასეთი შესაძლებლობის შესახებ რამდენიმე თვეა ვაფრთხილებთ. რაიმე უფრო მეტი ან ამისგან განსხვავებული ცნობები სრულებით არ შეესაბამება რეალობას“, − დაწერა ჰორნმა Twitter-ზე.
თავად რუსეთი უკრაინაში შეჭრის შესახებ ინფორმაციას ასევე სიცრუეს უწოდებს და ამგვარ გეგმებს გამორიცხავს. კრემლმა არაერთხელ უარყო „აგრესიული ქმედებები“ და აღნიშნა, რომ არავის ემუქრება და არც არავისზე თავდასხმას არ აპირებს. ხოლო აგრესიის შესახებ განცხადებები მხოლოდ ნატოს ინტერესებს ემსახურება, რათა ეს საბაბად გამოიყენოს და უფრო მეტი სამხედრო ტექნიკა განათავსოს რუსეთის საზღვრების სიახლოვეს.
