გუდაური–კობის მონაკვეთზე ტრანსპორტის გადაადგილება თავისუფალია

© photo: Sputnikთოვლი გზაზე
თოვლი გზაზე - Sputnik საქართველო, 1920, 28.01.2022
გამოწერა
Yandex newsTelegram
ზვავსაშიშროების საფრთხის გამო გუდაური–კობის მონაკვეთზე ავტოტრანსპორტის მოძრაობა გუშინ აიკრძალა.
თბილისი, 28 იანვარი — Sputnik. ინტენსიური გაწმენდითი სამუშაოების შედეგად საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური–კობის მონაკვეთზე ყველა სახის ავტოტრანსპორტის მოძრაობა აღდგა.
საავტომობილო გზების დეპარტამენტის ინფორმაციით, ზვავსაშიშროებისა და ლიპყინულის გამო გზის აღნიშნულ მონაკვეთზე მისაბმელიანი და ნახევარმისაბმელიანი ტრანსპორტის მოძრაობაზე შეზღუდვა მოქმედებდა.
უწყების ცნობით, მლეთა–გუდაურის და გუდაური–კობის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით.
მისაბმელიანი, ნახევარმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა გვირაბებში განხორციელდება ცალმხრივ რეჟიმში.
მცხეთა–სტეფანწმინდა–ლარსის საავტომობილო გზა, ე.წ. საქართველოს სამხედრო გზა ამჟამად ერთადერთი სახმელეთო გზაა, რომელიც საქართველოსა და სომხეთს რუსეთთან აკავშირებს. ხოლო საბაჟო-გამშვები პუნქტი „ყაზბეგი“–„ზემო ლარსი“ ერთადერთი გამშვები პუნქტია, რომელიც დღეს ფუნქციონირებს საქართველოსა და რუსეთის სახმელეთო საზღვარზე.
წყარო: საავტომობილო გზების დეპარტამენტი
ყველა ახალი ამბავი
0