https://sputnik-georgia.com/20220126/tbilisis-metrosi-ssm-mozardis-cemis-faqtze-dakavebul-policielebs-brali-waredgina-263907384.html
თბილისის მეტროში შშმ მოზარდის ცემის ფაქტზე დაკავებულ პოლიციელებს ბრალი წარედგინათ
თბილისის მეტროში შშმ მოზარდის ცემის ფაქტზე დაკავებულ პოლიციელებს ბრალი წარედგინათ
Sputnik საქართველო
სისხლის სამართლის საქმეზე გრძელდება გამოძიება და ტარდება არაერთი საგამოძიებო და საპროცესო მოქმედება.
2022-01-26T19:11+0400
2022-01-26T19:11+0400
2022-01-26T19:13+0400
ახალი ამბები
საქართველო
შემთხვევები საქართველოში
https://cdnn1.img.sputnik-georgia.com/img/07e5/03/0a/251127873_0:134:1280:854_1920x0_80_0_0_f3d4a574f41676e7c9543069e0779b38.jpg
თბილისი, 26 იანვარი – Sputnik. მეტროს სადგურ „ისანში“ შეზღუდული შესაძლებლობის მქონე არასრულწლოვნის ცემის ფაქტზე დაკავებულ პოლიციელებს ბრალი ოფიციალურად წარედგინათ. ინფორმაციას საქართველოს პროკურატურა ავრცელებს.ტელეკომპანია „ტვ პირველმა“ 24 იანვარს გაავრცელა ვიდეო კადრები, სადაც ჩანს, როგორ სცემს მეტროში პოლიციელი მოქალაქეს. შემთხვევა 23 იანვარს მოხდა.როგორც გამოძიებით დადგინდა, მეტროსადგურ „ისანის“ შენობაში განთავსებულ პოლიციის ოთახში, პატრულ-ინსპექტორი არაადამიანურად მოეპყრო არასრულწლოვან, შეზღუდული შესაძლებლობის მქონე პირს. პატრულ-ინსპექტორმა დაზარალებულ არასრულწლოვანს რამდენჯერმე დაარტყა და სიტყვიერი შეურაცხყოფა მიაყენა.ძალადობის ფაქტის შემსწრე მეორე პატრულ-ინსპექტორმა, მიუხედავად იმისა, რომ ვალდებული იყო აღეკვეთა მისი მეწყვილის ძალადობრივი ქმედება, ასევე, სამართლებრივი რეაგირება მოეხდინა დანაშაულებრივ აქტზე და ეცნობებინა ფაქტი შესაბამისი უწყებისთვის, აღნიშნულის საპირისპიროდ, რათა არ მომხდარიყო მისი მეწყვილის მიმართ სისხლისსამართლებრივი პასუხისმგებლობის დაკისრება, სამსახურებრივი უფლებამოსილება ბოროტად გამოიყენა და არ შეასრულა არცერთი აღნიშნული ვალდებულება.პროკურატურის ინფორმაციით, პატრულ-ინსპექტორს ბრალად ედება არაადამიანური მოპყრობა, ჩადენილი სამსახურებრივი მდგომარეობის გამოყენებით, დამნაშავისათვის წინასწარი შეცნობით არასრულწლოვნის, სხვაგვარად თავისუფლებაშეზღუდული და უმწეო მდგომარეობაში მყოფი პირის მიმართ. დანაშაული გათვალისწინებულია საქართველოს სისხლის სამართლის კოდექსის 144-ე მუხლის მეორე ნაწილით, რაც სასჯელის სახედ და ზომად 5-დან 10 წლამდე ვადით თავისუფლების აღკვეთას გულისხმობს.თბილისის მეტროში შშმ მოზარდის ცემის ფაქტზე ორი პოლიციელი დააკავეს >>მის თანმხლებ პატრულ-ინსპექტორს კი ბრალად ედება სამსახურებრივი უფლებამოსილების ბოროტად გამოყენება (სსკ-ის 332-ე მიხლის პირველი ნაწილი).საქართველოს პროკურატურა ორივე ბრალდებულის მიმართ აღკვეთის ღონისძიების სახით პატიმრობის გამოყენების თაობაზე თბილისის საქალაქო სასამართლოს შუამდგომლობით მიმართავს.წყარო - საქართველოს პროკურატურა
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
შშმ მოზარდი ცემა ფაქტი ბრალი წარდგენა
შშმ მოზარდი ცემა ფაქტი ბრალი წარდგენა
თბილისის მეტროში შშმ მოზარდის ცემის ფაქტზე დაკავებულ პოლიციელებს ბრალი წარედგინათ
19:11 26.01.2022 (განახლებულია: 19:13 26.01.2022) სისხლის სამართლის საქმეზე გრძელდება გამოძიება და ტარდება არაერთი საგამოძიებო და საპროცესო მოქმედება.
თბილისი, 26 იანვარი – Sputnik. მეტროს სადგურ „ისანში“ შეზღუდული შესაძლებლობის მქონე არასრულწლოვნის ცემის ფაქტზე დაკავებულ პოლიციელებს ბრალი ოფიციალურად წარედგინათ. ინფორმაციას საქართველოს პროკურატურა ავრცელებს.
ტელეკომპანია „ტვ პირველმა“ 24 იანვარს გაავრცელა ვიდეო კადრები, სადაც ჩანს, როგორ სცემს მეტროში პოლიციელი მოქალაქეს. შემთხვევა 23 იანვარს მოხდა.
უწყების ინფორმაციით, არასრულწლოვანზე ძალადობისთვის დაკავებულ პატრულ-ინსპექტორ ნუკრი ბაქრაძეს ბრალი არაადამიანური მოპყრობის ფაქტზე, ხოლო ინციდენტში მონაწილე მეორე პატრულ-ინსპექტორ კახა ბაკაშვილს სამსახურებრივი უფლებამოსილების ბოროტად გამოყენებისთვის წარედგინა.
როგორც გამოძიებით დადგინდა, მეტროსადგურ „ისანის“ შენობაში განთავსებულ პოლიციის ოთახში, პატრულ-ინსპექტორი არაადამიანურად მოეპყრო არასრულწლოვან, შეზღუდული შესაძლებლობის მქონე პირს. პატრულ-ინსპექტორმა დაზარალებულ არასრულწლოვანს რამდენჯერმე დაარტყა და სიტყვიერი შეურაცხყოფა მიაყენა.
ძალადობის ფაქტის შემსწრე მეორე პატრულ-ინსპექტორმა, მიუხედავად იმისა, რომ ვალდებული იყო აღეკვეთა მისი მეწყვილის ძალადობრივი ქმედება, ასევე, სამართლებრივი რეაგირება მოეხდინა დანაშაულებრივ აქტზე და ეცნობებინა ფაქტი შესაბამისი უწყებისთვის, აღნიშნულის საპირისპიროდ, რათა არ მომხდარიყო მისი მეწყვილის მიმართ სისხლისსამართლებრივი პასუხისმგებლობის დაკისრება, სამსახურებრივი უფლებამოსილება ბოროტად გამოიყენა და არ შეასრულა არცერთი აღნიშნული ვალდებულება.
პროკურატურის ინფორმაციით, პატრულ-ინსპექტორს ბრალად ედება არაადამიანური მოპყრობა, ჩადენილი სამსახურებრივი მდგომარეობის გამოყენებით, დამნაშავისათვის წინასწარი შეცნობით არასრულწლოვნის, სხვაგვარად თავისუფლებაშეზღუდული და უმწეო მდგომარეობაში მყოფი პირის მიმართ. დანაშაული გათვალისწინებულია საქართველოს სისხლის სამართლის კოდექსის 144-ე მუხლის მეორე ნაწილით, რაც სასჯელის სახედ და ზომად 5-დან 10 წლამდე ვადით თავისუფლების აღკვეთას გულისხმობს.
მის თანმხლებ პატრულ-ინსპექტორს კი ბრალად ედება სამსახურებრივი უფლებამოსილების ბოროტად გამოყენება (სსკ-ის 332-ე მიხლის პირველი ნაწილი).
საქართველოს პროკურატურა ორივე ბრალდებულის მიმართ აღკვეთის ღონისძიების სახით პატიმრობის გამოყენების თაობაზე თბილისის საქალაქო სასამართლოს შუამდგომლობით მიმართავს.
