ნაქერალას უღელტეხილზე შეზღუდვები მოიხსნა

© photo: Sputnik / Stringer ტექნიკა გზებზე
 ტექნიკა გზებზე - Sputnik საქართველო, 1920, 23.01.2022
გამოწერა
საქართველოს გზებზე ბოლო დღეებში უამინდობამ და უხვმა ნალექმა პრობლემები შექმნა. საავტომობილო გზებზე ქვეყნის მასშტაბით გაწმენდითი სამუშაოები უწყვეტ რეჟიმში მიმდინარეობს.
თბილისი, 23 იანვარი - Sputnik. შიდასახელმწიფოებრივი მნიშვნელობის ქუთაისი-ტყიბული-ამბროლაურის საავტომობილო გზაზე შეზღუდვები მოიხსნა, იუწყება საავტომობილო გზების დეპარტამენტი.
დეპარტამენტის ცნობით, ჩატარებული ინტენსიური გაწმენდითი სამუშაოების შედეგად ქუთაისი-ტყიბული-ამბროლაურის საავტომობილო გზის 39-72-ე კმ (ნაქერალას უღელტეხილი) მონაკვეთზე ავტოტრანსპორტის მოძრაობა აღდგა.
გზის აღნიშნულ მონაკვეთზე მისაბმელიანი და ნახევრადმისაბმელიანი ავტოტრანსპორტის გადაადგილება უამინდობისა და დიდთოვლობის გამო რამდენიმე დღის განმავლობაში იყო შეზღუდული.
საქართველოს გზებზე ამ დრომდე გარკვეული შეზღუდვები მოქმედებს.
წყარო - საავტომობილო გზების დეპარტამენტი.
ყველა ახალი ამბავი
0