Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

საქართველოს კოვიდ-პასპორტი შვეიცარიამ აღიარა

© photo: Sputnik / Alexander Imedashviliშვეიცარიის საელჩო
შვეიცარიის საელჩო - Sputnik საქართველო, 1920, 19.01.2022
გამოწერა
Yandex newsTelegram
ამ ეტაპზე კოვიდ-პასპორტთან ერთად შვეიცარიაში ჩასულთათვის კვლავ სავალდებულო რჩება კორონავირუსზე ტესტის ჩატარება.
თბილისი, 19 იანვარი – Sputnik. შვეიცარიამ საქართველოს კოვიდ-პასპორტები აღიარა.
საქართველოში შვეიცარიის საელჩოს მიერ გავრცელებული ინფორმაციის თანახმად, შვეიცარიის ჯანდაცვის ფედერალური დეპარტამენტის ვებგვერდზე გამოქვეყნებულ სიაში, რომელთა კოვიდ-სერტიფიკატებსაც შვეიცარია აღიარებს, საქართველოც მოხვდა.
საქართველოს გარდა, ჩამონათვალში კიდევ 27 ქვეყანაა, მათ შორის სომხეთი და უკრაინა.
ამასთან ერთად, უწყება საქართველოდან შვეიცარიაში მოგზაურობის მსურველებს აფრთხილებს, რომ ქვეყანაში ჩასვლისას, კოვიდ-პასპორტთან ერთად, კვლავ სავალდებულოა კორონავირუსზე ტესტის ჩატარება.
გასული წლის ნოემბერში ქართული კოვიდ-პასპორტი ევროკავშირმაც აღიარა.
საქართველოს საგარეო საქმეთა სამინისტროს ცნობით, საქართველოს მოქალაქეები, რომლებიც ფლობენ ვაქცინაციის სრული კურსის ჩატარების სერტიფიკატს, ევროკავშირის ტერიტორიაზე გადაადგილება დაბრკოლების გარეშე შეუძლიათ.
„მწვანე პასპორტებისთვის" სპეციალური აპლიკაციაა შექმნილი, რომლის ჩამოტვირთვაც სმარტფონებიდანაა შესაძლებელი.
საქართველოში ე.წ. „მწვანე პასპორტები“ 1 დეკემბრიდან ამოქმედდა. გარკვეულ დაწესებულებებში შესვლა მხოლოდ კოვიდ-პასპორტით არის შესაძლებელი. მოთხოვნა 18 წელს ზემოთ მოქალაქეებისთვის და ასევე ტურისტებისთვის მოქმედებს.
წყარო - საქართველოში შვეიცარიის საელჩო
ყველა ახალი ამბავი
0