ევროპის მოედანზე ტრანსპორტის მოძრაობაზე შეზღუდვები დაწესდა

© photo: Sputnikევროპის მოედანი
ევროპის მოედანი - , 1920, 19.01.2022
თბილისი, 19 იანვარი - Sputnik. თბილისის ცენტრში, ევროპის მოედანზე ავტოტრანსპორტის მოძრაობა შეიზღუდება.
თბილისის მერიის მიერ გავრცელებული ინფორმაციით, ევროპის მოედანზე მოძრაობა 19 იანვრის 23:00 საათიდან 20 იანვრის 13:00 საათამდე შეიზღუდება.
კერძოდ, სატრანსპორტო საშუალებებისთვის გადაადგილება შეიზღუდება ვახტანგ გორგასალის მოედნიდან მეტეხის ხიდისა და მეტეხის აღმართიდან ევროპის მოედნის მიმართულებით.
ასევე, მტკვრის მარცხენა სანაპიროზე არსებული გვირაბიდან ტრანსპორტის მოძრაობა შეზღუდული იქნება მეტეხის ხიდის მიმართულებით.
დროის აღნიშნულ მონაკვეში ტრანსპორტის მოძრაობა თავისუფალი იქნება გორგასალის მოედნიდან კოტე აფხაზის ქუჩაზე, მტკვრის მარცხენა სანაპიროზე არსებული გვირაბიდან კი გადაადგილება შესაძლებელი იქნება ღვინის აღმართის მიმართულებით.
ცვლილებები შეეხება საზოგადოებრივ ტრანსპორტსაც -ავტობუსებსა და მიკროავტობუსებს.
ყველა ახალი ამბავი
0