MagtiCom–ის თანამშრომლების ნაწილმა გაფიცვა შეწყვიტა

© Sputnik / Alexander Imedashviliმობილური კავშირის ანტენა
მობილური კავშირის ანტენა - Sputnik საქართველო, 1920, 18.01.2022
გამოწერა
Yandex newsTelegram
თანამშრომლებსა და კომპანიას შორის მოლაპარაკებები მიმდინარეობს ანაზღაურების ახალი ბონუსების სისტემასთან დაკავშირებით.
თბილისი, 18 იანვარი– Sputnik. საქართველოში უმსხვილესი მობილური კავშირის ოპერატორის, MagtiCom-ის თანამშრომლების ნაწილმა გაფიცვა დროებით შეწყვიტა და მუშაობის ჩვეულ რეჟიმს დაუბრუნდა.
გასულ კვირას კომპანიის 300-მდე თანამშრომელმა საპროტესტო აქცია გამართა კომპანიის სათავო ოფისთან ხელფასების გაზრდის მოთხოვნით. გაფიცული თანამშრომლები, ძირითადად ინჟინერ-ტექნოლოგები, მიიჩნევენ, რომ კორონავირუსის პანდემიისა და მაღალი ინფლაციის პირობებში მათი ხელფასები „გაუფასურდა".
კომპანიის ინჟინერ-ტექნოლოგმა ლევან ფუტკარაძემ აღნიშნა, რომ კომპანიის მხრიდან შემოვიდა გარკვეული წინადადებები, მიმდინარეობს მოლაპარაკებები. ამ მოლაპარაკებების თანახმად, დროებით შეჩერდა პროტესტი და მათ განაგრძეს სამუშაო პროცესი თითქმის მთელი საქართველოს მასშტაბით. რამდენიმე თანამშრომელს არ მოეწონა ბონუსების სისტემა, მათ უარი თქვეს და სამსახურიდან წავიდნენ, განაცხადა ფუტკარაძემ.
კომპანიის თანამშრომლებმა განაცხადეს, რომ თუ კომპანია მათ მათთვის მისაღებ პირობებს არ შესთავაზებს, პროტესტი კვლავ გაგრძელდება.
შპს MagtiCom, რომელიც 1996 წლის 12 თებერვალს დაარსდა, როგორც მობილური ოპერატორი, კომერციული საქმიანობას 1997 წლის სექტემბერში შეუდგა. „მაგთიკომი" ეკუთვნის ამერიკულ კომპანიებს: International Telcell Cellular LLC და Telcell Wireless LLC.
კომუნიკაციების ეროვნული კომისიის მონაცემებით, კომპანიის აბონენტების რაოდენობამ 2020 წლის დეკემბრისთვის ორი მილიონი შეადგინა.
ყველა ახალი ამბავი
0