Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

გაბუნია: „ომიკრონით“ ინფიცირებული მხოლოდ 14 პაციენტი მოხვდა ჰოსპიტალში

© Ministry of Refugees, Labor, Health and Social Affairsსაავადმყოფო
საავადმყოფო - Sputnik საქართველო, 1920, 18.01.2022
გამოწერა
საქართველო კორონავირუსის გავრცელების მეექვსე ტალღას ებრძვის. დღეისათვის ქვეყანაში ახალი შტამით ინფიცირების 1.254 შემთხვევაა დაფიქსირებული.
თბილისი, 18 იანვარი - Sputnik. კორონავირუსის ახალი შტამის - „ომიკრონის“ დადასტურებული შემთხვევებიდან მხოლოდ 14 პაციენტს დასჭირდა ჰოსპიტალიზაცია. ამის შესახებ ჯანდაცვის მინისტრის მოადგილე თამარ გაბუნიამ განაცხადა.
მინისტრის მოადგილის განმარტებით, საქართველოში გამოვლენილი „ომიკრონით" ინფიცირებულთა დიდი ნაწილი ორჯერადად და ასევე ბუსტერ-დოზით იყო ვაქცინირებული.
„ჰოსპიტალიზაცია დადასტურებული შემთხვევებიდან დასჭირდა მხოლოდ 14 პაციენტს, რაც არის დაბალი მაჩვენებელი, მაგრამ „ომიკრონით" ინფიცირებულთა დიდი ნაწილი იყო 2-ჯერ ვაქცინირებული და ჰქონდათ გაკეთებული ბუსტერ-დოზა", - განაცხადა გაბუნიამ.
საქართველოში „ომიკრონ" შტამით ინფიცირების პირველი შემთხვევები 2021 წლის 20 დეკემბერს გამოვლინდა. სხვა შტამებისგან განსხვავებით, „ომიკრონი" სწრაფად ვრცელდება, თუმცა უფრო მსუბუქ ფორმებში ვითარდება.
18 იანვარს საქართველოში ინფიცირებულთა რაოდენობამ 1 მილიონს გადააჭარბა (1.006.864), რეკორდულად მაღალი მაჩვენებელია ბოლო დღე–ღამეში გამოვლენილი შემთხვევების – 7.521. ეპიდემიოლოგების თქმით, იანვრის ბოლოს – თებერვლის დასაწყისში ეს რაოდენობა კიდევ უფრო მოიმატებს და პიკს მიაღწევს.
ყველა ახალი ამბავი
0