Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

როგორია მიტროპოლიტ სტეფანეს ჯანმრთელობის მდგომარეობა: ოფიციალური ინფორმაცია

© Sputnik / STRINGERმარტვილის ღვთისმშობლის მიძინების მონასტერი
მარტვილის ღვთისმშობლის მიძინების მონასტერი - Sputnik საქართველო, 1920, 16.01.2022
გამოწერა
Yandex newsTelegram
მეუფის ჯანმრთელობის მდგომარეობის შესახებ ურთიერთგამომრიცხავი ინფორმაცია ვრცელდება
თბილისი, 16 იანვარი - Sputnik. ჭყონდიდის, ცაგერისა და ლენტეხის ეპარქიის მიტროპოლიტმა სტეფანემ (კალაიჯიშვილმა) კორონავირუსი გადაიტანა.
ამ დროისთვის მეუფის ჯანმრთელობის მდგომარეობა დამაკმაყოფილებელია, ის კოვიდინფიცირების შემდეგ რეაბილიტაციის კურსს თბილისში მდებარე ერთ-ერთ მონასტერში გაივლის.
საქართველოს საპატრიარქო მიტროპოლიტის ჯანმრთელობის მდგომარეობის დამძიმების შესახებ გავრცელებულ ინფორმაციას კატეგორიულად უარყოფს და სიცრუეს უწოდებს ინფორმაციას იმის შესახებაც, რომ თითქოს მიტროპოლიტი ქვეყნის ფარგლებს გარეთ მკურნალობს.
„სინამდვილეში, მიტროპოლიტი სტეფანე ამჟამად ექიმების ზედამხედველობით რეაბილიტაციის კურსს გადის და სრულიად საქართველოს კათოლიკოს-პატრიარქის ლოცვა-კურთხევით, ამ პერიოდს თბილისში მდებარე ერთ-ერთ მონასტერში გაატარებს“, - აღნიშნულია საპატრიარქოს მიერ გავრცელებულ განცხადებაში.
საპატრიარქო მიტროპოლიტის დედაქალაქში დარჩენის მიზეზად, მისთვის, საჭიროების შემთხვევაში, სამედიცინო კონსულტაციისა თუ დახმარების დაუყოვნებლივ და დაუბრკოლებლად მიღებას ასახელებს.
9 თებერვალს მეუფეს 63 წელი შეუსრულდება.
წყარო - საქართველოს საპატრიარქოს საზოგადოებასთან ურთიერთობის სამსახური
ყველა ახალი ამბავი
0