„ყინულზე ქართველი ვარ“: საქართველოს ნაკრების რუსი წევრი - ვიდეო
13:56 14.01.2022 (განახლებულია: 17:41 14.01.2022)
© photo: Sputnik / Maksim Bogodvid
/ გამოწერა
თბილისი, 14 თებერვალი — Sputnik. ანასტასია გუბანოვა, 19 წლის მოციგურავე, რომელიც საქართველოს ნაკრების სახელით ასპარეზობს, გამოტყდა, რომ ყინულზე ქართველია, ცხოვრებაში კი ისევ რუს გოგონა ნასტიად რჩება, იუწყება РИА Новости.
გუბანოვამ 13 იანვარს 67,02 ქულა აიღო ტალინში მიმდინარე ჩემპიონატის მოკლე პროგრამაში. პირველი ორი ჯგუფის გამოსვლის შემდეგ სპორტსმენი შუალედურ პირველ ადგილს იკავებს.
I love « Une vie d’amour » and I also love Anastasia Gubanova. One of the prettiest 2Tw in the field, great musicality and performance. Scoring issues aside, it feels so good to have her competing again pic.twitter.com/KW5AVZhRED
— Marie (@gwendalsedges) January 13, 2022
2021 წლის ზაფხულში საქართველოს ფიგურული სრიალის ფედერაციამ გუბანოვას საქართველოს ნაკრებში ჩართვის შესახებ გაავრცელა ინფორმაცია. რუსულმა მხარემ ჯერ კიდევ 2020 წელს მისცა უფლება სპორტსმენს, შეეცვალა სპორტული მოქალაქეობა. ამასთან გუბანოვა სანქტ-პეტერბურგში ცხოვრობს და ვარჯიშობს.
„რუსეთი გულში მაქვს. მე დავიბადე და ვცხოვრობ რუსეთში, მაგრამ იშვიათად გამოვდიოდი მისი სახელით. სხვა დროშით სრიალის დროს გაორება მემართება — ყინულზე ქართველი ვარ, ცხოვრებაში კი ისევ ის რუსი ნასტია“, — უთხრა გუბანოვამ ჟურნალისტებს.
მისთვის ევროპის ამჟამინდელი ჩემპიონატი პირველია კარიერაში.
„ბოლომდე არ ვიცოდი, ნამდვილად მივდიოდი თუ არა ევროპის ჩემპიონატზე, მაგრამ მაინც ვემზადებოდი. აქ გამოსვლა ჩემთვის წარმოუდგენელი მოვლენაა. მიხარია, რომ ასეთი შესაძლებლობა მომეცა“, — განაცხადა სპორტსმენმა.
ანასტასია გუბანოვა არის რუსეთის თასის ვერცხლის პრიზიორი (2018, 2020), ზაგრების საერთაშორისო ტურნირის ოქროს პრიზიორი (2018) და ასევე იუნიორთა გრან-პრის ფინალის ვერცხლის პრიზიორი (2016).