Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

რომელი რესტორნები და სასტუმროები შეძლებენ საახალწლო ღონისძიებების გამართვას?

© photo: Sputnik / Alexander Imedashviliსადღესასწაულო სუფრა
სადღესასწაულო სუფრა - Sputnik საქართველო, 1920, 30.12.2021
გამოწერა
ეპიდემიოლოგები შიშობენ, რომ საახალწლო დღესასწაულებმა შეიძლება კორონავირუსის ახალი ტალღა გამოიწვიოს.
თბილისი, 30 დეკემბერი — Sputnik. 31 დეკემბრიდან 15 იანვრის ჩათვლით პერიოდში საქართველოს სასტუმროებსა და რესტორნებს სადღესასწაულო ღონისძიებების გამართვის უფლება ექნებათ, შესაბამისი ცვლილებები „იზოლაციისა და კარანტინის შესახებ“ მთავრობის დადგენილებაში შევიდა.
ცვლილებების თანახმად, საახალწლო ღონისძიებების გამართვას მხოლოდ ის რესტორნები და სასტუმროები შეძლებენ, რომლებსაც ამ დროისათვის „მწვანე სტატუსი“ აქვთ.
„მწვანე სტატუსი“ გულისხმობს, რომ ყველა თანამშრომელსა და სტუმარს კოვიდ–პასპორტი აქვს. ამასთან, ღონისძიების გამართვისას დაცული უნდა იყოს ქვეყანაში დაწესებული ყველა კოვიდ–რეგულაცია.
ქვეყანაში „ომიკრონ“ შტამის დაფიქსირების გათვალისწინებით, ეპიდემიოლოგები შიშობენ, რომ საახალწლო დღესასწაულებმა შეიძლება კორონავირუსის ახალი ტალღა გამოიწვიოს. ამასთან დაკავშირებით ისინი მოსახლეობას მაქსიმალური სიფრთხილის გამოჩენისა და თავყრილობებისგან თავშეკავებისკენ მოუწოდებენ.
ყველა ახალი ამბავი
0