Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

თანხა კორონავირუსზე აცრის სანაცვლოდ – ასაკობრივი ზღვარი ფართოვდება

© press-service of the Ministry of Health & Social Affairs of Ajaraვაქცინაცია
ვაქცინაცია - Sputnik საქართველო, 1920, 28.12.2021
გამოწერა
აქამდე კორონავირუსის წინააღმდეგ ვაქცინაციის შემთხვევაში 200-ლარიან დანამატს მხოლოდ 60 წელს გადაცილებული ადამიანები იღებდნენ.
თბილისი, 28 დეკემბერი — Sputnik. მომავალი წლიდან ქვეყანაში ვაქცინაციის ტემპის გაზრდის მიზნით მატერიალური წახალისების პროგრამაში მონაწილე პირების ასაკობრივი ზღვარი გაფართოვდა – გადაწყვეტილება დღეს გამართულ საკოორდინაციო საბჭოზე მიიღეს.
საქართველოს მასშტაბით 50 წელს გადაცილებული ყველა ადამიანი, რომელიც კორონავირუსის ვაქცინით აიცრება, სახელმწიფოსგან წახალისების მიზნით 200 ლარს მიიღებს.
აქამდე თანხის მიღება მხოლოდ 60 წელს ზემოთ ასაკის პირებს შეეძლოთ. 9 ნოემბერს საქართველოში დაიწყო 60 წელს ზემოთ ასაკის პირთა მატერიალური წახალისების პროგრამა – იმ შემთხვევაში, თუ ისინი ვაქცინაციას 31 დეკემბრის ჩათვლით ჩაიტარებენ, მათ 200-ლარიან ერთჯერად დანამატს გადასცემენ.

„პროგრამა იანვარში გაგრძელდება, რომელიც ითვალისწინებს 60 წელზე უფროსი ასაკის პირთა ვაქცინაციის ფულად სტიმულს 200 ლარის ოდენობით. არის კიდევ ერთი სიახლე – ბენეფიციარების ასაკობრივი ბარიერი მცირდება 50 წლამდე", – განაცხადა უწყებათშორის საკოორდინაციო საბჭოსთან არსებული ოპერაციული შტაბის უფროსმა გიორგი ღიბრაძემ.

ეპიდემიოლოგების თქმით, კორონავირუსით გარდაცვალების შემთხვევების 85% სწორედ ამ ასაკობრივი ჯგუფის ადამიანებზე მოდის.
ლატარეა - Sputnik საქართველო, 1920, 28.12.2021
COVID-19 - ბოლო ცნობები
„აიცერი და მოიგე": ლატარიას 17 ათასზე მეტი გამარჯვებული ჰყავს
28 დეკემბერის მონაცემებით, საქართველოში სულ ჩატარებულია 2.481.500 აცრა სრულად ვაქცინირებულია 1.132.581 ადამიანი - 18 წელს ზემოთ ასაკის მოსახლეობის 39,4%. ბუსტერ–დოზა კი გაკეთებული აქვს 67.315 ადამიანს.
პანდემიის დაწყებიდან დღემდე საქართველოში კორონავირუსის 928.030 შემთხვევა დაფიქსირდა, გამოჯანმრთელდა 888.022 ადამიანი, გარდაიცვალა 13.646 პაციენტი.
ყველა ახალი ამბავი
0