https://sputnik-georgia.com/20211225/saqartvelosi-zamtris-kurortebi-ixsneba-263143680.html
საქართველოში ზამთრის კურორტები იხსნება
საქართველოში ზამთრის კურორტები იხსნება
Sputnik საქართველო
საქართველოში ზამთრის კურორტები ოთხ რეგიონშია და ამ კურორტებზე ტურისტული სეზონი, როგორც წესი, დეკემბრის დასაწყისში იხსნება და მარტის ბოლომდე გრძელდება. 25.12.2021-ს, Sputnik საქართველო
2021-12-25T11:30+0400
2021-12-25T11:30+0400
2021-12-25T11:30+0400
საზოგადოება
ახალი ამბები
საქართველო
ტურიზმი საქართველოში
https://cdnn1.img.sputnik-georgia.com/img/24368/54/243685428_0:105:2000:1230_1920x0_80_0_0_0520b6e1762b1fb414ebbcd8c2975fab.jpg
თბილისი, 25 დეკემბერი – Sputnik. მესტიის, გუდაურისა და გოდერძის სამთო-სათხილამურო კურორტებზე ზამთრის სეზონი ოფიციალურად დღეს, 25 დეკემბერს გაიხსნება, ნათქვამია მთის კურორტების განვითარების კომპანიის მიერ გავრცელებულ ინფორმაციაში.უწყების ცნობით, ზამთრის სეზონზე მთის კურორტები დამსვენებლებს ახალი ინფრასტრუქტურით დახვდებიან.მესტიაში ამოქმედდება როგორც ღია ტიპის საბაგირო, რომელიც მესტიის ცენტრს აკავშირებს კურორტ ჰაწვალთან, ისე ზურულდის მთის ათადგილიანი გონდოლის ტიპის უახლესი საბაგირო კომპლექსი. საბაგიროს გამტარუნარიანობა საწყის ეტაპზე საათში 1.800 მგზავრი იქნება, მისი სიგრძეა 1.421 მეტრი. კურორტ ჰაწვალზე ფუნქციონირებს ჯამში 7 კმ სიგრძის ოთხი სათხილამურო ტრასა, რომელიც ყველა კატეგორიის მოთხილამურეზეა გათვლილი.რაც შეეხება თეთნულდის სათხილამურო არეალს, კურორტზე არის ხუთი საბაგირო და ხუთი სათხილამურო ტრასა.კურორტ გუდაურში ამუშავდება 18 საბაგირო. დამსვენებლები ისარგებლებენ ჯამში 70 კმ სიგრძის 22 სასრიალო ტრასით. კურორტ გოდერძიზე კი არის ორი დიდი საბაგირო, ერთი მოძრავი ხალიჩა და 7 კმ სათხილამურო გზა.მესტიასა და გუდაურში საბაგიროები ყოველდღე იმუშავებს.რაც შეეხება ბაკურიანის სათხილამურო ტრასას, 25 დეკემბერს კლიმატური პირობების გათვალისწინებით სათხილამურო ინფრასტრუქტურა ვერ ამოქმედდება, თუმცა ნალექისა და ყინვის შემთხვევაში საბაგიროები აღნიშნულ კურორტზეც ჩვეულ რეჟიმში იმუშავებენ.სათხილამურო კურორტებზე დამსვენებლების უსაფრთხოების უზრუნველსაყოფად გარკვეული წესები და კოვიდ-შეზღუდვებია დაწესებული. უწყებათშორისი საკოორდინაციო საბჭოს გადაწყვეტილებით, მხოლოდ „მწვანე პასპორტის“ მფლობელები შეძლებენ საბაგირო გზებით სარგებლობას, სასტუმროებში დაბინავებას, რესტორნებსა და კაფეებში სტუმრობას.შემცირდება გონდოლაში მგზავრების რაოდენობაც. კომპანიის ინფორმაციით, ათი ადამიანის ნაცვლად ერთ გონდოლაში რვა ადამიანი განთავსდება.საქართველოში ზამთრის კურორტები ოთხ რეგიონშია: გუდაური (მცხეთა-მთიანეთი), თეთნულდი და ჰაწვალი (სვანეთი), ბაკურიანი და კოხტა მიტარბი (სამცხე-ჯავახეთი), გოდერძი (აჭარა). ამ კურორტებზე ტურისტული სეზონი, როგორც წესი, დეკემბრის დასაწყისში იხსნება და მარტის ბოლომდე გრძელდება.
https://sputnik-georgia.com/20211102/kurortebi-zamtris-sezonistvis-emzadebian-261717117.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საზოგადოება, ახალი ამბები, საქართველო, ტურიზმი საქართველოში
საზოგადოება, ახალი ამბები, საქართველო, ტურიზმი საქართველოში
საქართველოში ზამთრის კურორტები იხსნება
საქართველოში ზამთრის კურორტები ოთხ რეგიონშია და ამ კურორტებზე ტურისტული სეზონი, როგორც წესი, დეკემბრის დასაწყისში იხსნება და მარტის ბოლომდე გრძელდება.
თბილისი, 25 დეკემბერი – Sputnik. მესტიის, გუდაურისა და გოდერძის სამთო-სათხილამურო კურორტებზე ზამთრის სეზონი ოფიციალურად დღეს, 25 დეკემბერს გაიხსნება,
ნათქვამია მთის კურორტების განვითარების კომპანიის მიერ გავრცელებულ ინფორმაციაში.
უწყების ცნობით, ზამთრის სეზონზე მთის კურორტები დამსვენებლებს ახალი ინფრასტრუქტურით დახვდებიან.
მესტიაში ამოქმედდება როგორც ღია ტიპის საბაგირო, რომელიც მესტიის ცენტრს აკავშირებს კურორტ ჰაწვალთან, ისე ზურულდის მთის ათადგილიანი გონდოლის ტიპის უახლესი საბაგირო კომპლექსი. საბაგიროს გამტარუნარიანობა საწყის ეტაპზე საათში 1.800 მგზავრი იქნება, მისი სიგრძეა 1.421 მეტრი. კურორტ ჰაწვალზე ფუნქციონირებს ჯამში 7 კმ სიგრძის ოთხი სათხილამურო ტრასა, რომელიც ყველა კატეგორიის მოთხილამურეზეა გათვლილი.
რაც შეეხება თეთნულდის სათხილამურო არეალს, კურორტზე არის ხუთი საბაგირო და ხუთი სათხილამურო ტრასა.
კურორტ გუდაურში ამუშავდება 18 საბაგირო. დამსვენებლები ისარგებლებენ ჯამში 70 კმ სიგრძის 22 სასრიალო ტრასით. კურორტ გოდერძიზე კი არის ორი დიდი საბაგირო, ერთი მოძრავი ხალიჩა და 7 კმ სათხილამურო გზა.
მესტიასა და გუდაურში საბაგიროები ყოველდღე იმუშავებს.
რაც შეეხება ბაკურიანის სათხილამურო ტრასას, 25 დეკემბერს კლიმატური პირობების გათვალისწინებით სათხილამურო ინფრასტრუქტურა ვერ ამოქმედდება, თუმცა ნალექისა და ყინვის შემთხვევაში საბაგიროები აღნიშნულ კურორტზეც ჩვეულ რეჟიმში იმუშავებენ.
სათხილამურო კურორტებზე დამსვენებლების უსაფრთხოების უზრუნველსაყოფად გარკვეული წესები და კოვიდ-შეზღუდვებია დაწესებული. უწყებათშორისი საკოორდინაციო საბჭოს გადაწყვეტილებით, მხოლოდ „მწვანე პასპორტის“ მფლობელები შეძლებენ საბაგირო გზებით სარგებლობას, სასტუმროებში დაბინავებას, რესტორნებსა და კაფეებში სტუმრობას.
შემცირდება გონდოლაში მგზავრების რაოდენობაც. კომპანიის ინფორმაციით, ათი ადამიანის ნაცვლად ერთ გონდოლაში რვა ადამიანი განთავსდება.
საქართველოში ზამთრის კურორტები ოთხ რეგიონშია: გუდაური (მცხეთა-მთიანეთი), თეთნულდი და ჰაწვალი (სვანეთი), ბაკურიანი და კოხტა მიტარბი (სამცხე-ჯავახეთი), გოდერძი (აჭარა). ამ კურორტებზე ტურისტული სეზონი, როგორც წესი, დეკემბრის დასაწყისში იხსნება და მარტის ბოლომდე გრძელდება.
