პოლიციამ მილიონობით ლარის ღირებულების ნარკოტიკი გაანადგურა - ვიდეო

© Sputnik / გადასვლა მედიაბანკშინარკოტიკები განადგურებამდე
ნარკოტიკები განადგურებამდე - Sputnik საქართველო, 1920, 25.12.2021
გამოწერა
პოლიციამ ნარკოტიკები გარემოსდაცვითი თანამედროვე სტანდარტების დაცვით, მაღალტემპერატურულ ღუმელში გაანადგურა
თბილისი, 25 დეკემბერი- Sputnik. პოლიციამ სხვადასხვა დროს ნივთმტკიცებად ამოღებული ნარკოტიკული საშუალებები გაანადგურა, ნათქვამია შინაგან საქმეთა სამინისტროს მიერ გავრცელებულ განცხადებაში.
უწყების ცნობით, ნარკოტიკების საერთო ღირებულება ე.წ. შავ ბაზარზე დაახლოებით37 მილიონ ლარზე მეტია. საექსპერტო-კრიმინალისტიკური დეპარტამენტის თანამშრომლები ნარკოტიკებსა და ფსიქოაქტიურ ნივთიერებებს, შინაგან საქმეთა მინისტრის შესაბამისი ბრძანების საფუძველზე, სასამართლოს განაჩენის შემდეგ, სპეციალური მუდმივმოქმედი კომისიის წევრების თანდასწრებით, ეტაპობრივად ანადგურებენ.
სამართალდამცველებმა უკანონო ბრუნვიდან ნივთმტკიცებად ამოღებული ნარკოტიკები გარემოსდაცვითი თანამედროვე სტანდარტების დაცვით, მაღალტემპერატურულ ღუმელში გაანადგურეს.
შინაგან საქმეთა სამინისტრომ მიმდინარე წელს გაანადგურა უკანონო ბრუნვიდან ამოღებული შემდეგი ნარკოტიკული საშუალებები:
23,759 კგ„ჰეროინი"
12.127 ტაბლეტი„სუბუტექსი"
9 კგ კოკაინი
220 გრ MDMA
347 გრ „მეტადონი"
1,655 ტონა კანაფი
1,015 ტონა„მარიხუანა“
MDMA- ს შემცველი1000 ტაბლეტი
367 კაფსულა/ტაბლეტი„ტრამადოლი"
მეტადონის" შემცველი125 ტაბლეტი
896 გრ კანაფის ფისი
229 გრ „ალფა პვპ“
679 კაფსულა „პრეგაბალინი“
260 გრამი ახალი ფსიქოაქტიური ნივთიერება
580 კაფსულა „ფსევდოეფედრინი“
ნარკოტიკული საშუალებების განადგურების პროცესს, შინაგან საქმეთა სამინისტროს თანამშრომლებთან ერთად, ჯანდაცვის სამინისტროსა და გენერალური პროკურატურის წარმომადგენლებიც დაესწრნენ.
შსს-ს ცნობით, 2021 წლის მანძილზე საქართველოს მასშტაბით 136 ნარკორეალიზატორია დაკავებული. სამართალდამცველების მიერ მთლიანობაში ამოღებულია 19 კგ-მდე ჰეროინი, 4 კგ კოკაინი, 5 ათასი აბი „სუბუტექსი", 3 კგ „ალფა-პვპ“, 26 კგ „ბიო" და სხვა სახის ნარკოტიკული საშუალებები.
შსს–ს ვებ–გვერდზე განთავსებული მასალების მიხედვით, ყველაზე გავრცელებული დანაშაულისტოპ-ხუთეულში წლის დასაწყისიდან პირველად, მეორე ადგილზე აღმოჩნდა ნარკოდანაშაული - 3.231 ათასი შემთხვევა ათ თვეში, საიდანაც გახსნილია 85,04%.
ყველა ახალი ამბავი
0