მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

მედია: თალიბებმა ავტომობილებში მუსიკის ჩართვა აკრძალეს

© AP Photo / Felipe Danaთალიბები
თალიბები - Sputnik საქართველო, 1920, 25.12.2021
გამოწერა
გარდა ამისა, იკრძალება ავტომობილით ჰიჯაბის გარეშე მყოფი ქალების გადაყვანა და ქორწილებში ცოცხალი მუსიკა
თბილისი, 25 დეკემბერი - Sputnik. თალიბებმა მანქანებში მუსიკის ჩართვა და ჰიჯაბის გარეშე მყოფი ქალების გადაყვანა აკრძალეს, იტყობინება Kabul News.
„ისლამური ორიენტაციის სამინისტრომ (გაწვევის, ორიენტაციის, კეთილის ბრძანების და მავნეს აკრძალვის სამინისტრომ - რედ.) დაუდასტურა Kabul News-ს, რომ მძღოლებს მიეცათ წერილობითი რეკომენდაცია, არ ჩართონ მუსიკა და არ ჩასვან მანქანებში ქალები ჰიჯაბის გარეშე“, - ნათქვამია ტელეარხის Twitter-ზე.
მანამდე ერთ-ერთი სასტუმროს მფლობელმა უამბო РИА Новости-ს, რომ თალიბებმა ავღანეთში ქორწილებში ცოცხალი მუსიკა აკრძალეს და მამაკაცებმა და ქალებმა ქორწილი ახლა სხვადასხვა დარბაზში უნდა აღნიშნონ.
აგვისტოს პირველ დეკადაში რადიკალურმა მოძრაობა „თალიბანმა“ ავღანეთის დიდ ქალაქებს შეუტია და 15 აგვისტოს დედაქალაქი ქაბული აიღო. 16 აგვისტოს მოძრაობის პოლიტოფისის წარმომადგენელმა მუჰამედ ნაიმმა განაცხადა, რომ ავღანეთში ომი დასრულებულია. აგვისტოს ბოლო ორი კვირის განმავლობაში ქაბულის აეროპორტიდან, რომელიც ამერიკელი სამხედროების დაცვის ქვეშ იყო, დასავლეთის ქვეყნების მოქალაქეების და მათთან დაკავშირებული ავღანელების ევაკუაცია მიმდინარეობდა. 31 აგვისტოს ღამით აშშ-ის სამხედროებმა ქაბულის აეროპორტი დატოვეს, რამაც ავღანეთში ამერიკული სამხედრო ძალების თითქმის 20-წლიანი ყოფნა დაასრულა.
6 სექტემბერს თალიბებმა განაცხადეს, რომ ბრძოლების შედეგად მათ კონტროლ ქვეშ ავღანეთის ბოლო, 34-ე პროვინცია პანჯშირი მოექცა. მეორე დღეს გამოცხადდა ავღანეთის დროებითი მთავრობის შემადგენლობა, რომელსაც სათავეში ჩაუდგა მოჰამად ჰასან ახუნდი, რომელიც „თალიბანის“ პირველი მმართველობის დროს საგარეო საქმეთა მინისტრის პოსტს იკავებდა და რომელზეც 2001 წლიდან გაეროს სანქციები ვრცელდებოდა.
ყველა ახალი ამბავი
0