მანდარინის ექსპორტი საქართველოდან იზრდება

© photo: Sputnik / Stringerმანდარინი
მანდარინი - Sputnik საქართველო, 1920, 24.12.2021
გამოწერა
საქართველოში ციტრუსის მოსავლის აღება გვიან შემოდგომაზე იწყება და 4 თვე გრძელდება.
თბილისი, 24 დეკემბერი – Sputnik. მიმდინარე წლის 1 სექტემბრიდან საქართველოდან განხორციელდა 31,9 ათასი ტონა მანდარინის ექსპორტი, რომლის ღირებულებამ 15,7 მლნ აშშ დოლარი შეადგინა, იუწყება საქართველოს გარემოს დაცვისა და სოფლის მეურნეობის სამინისტრო.
აღნიშნულ პერიოდში განხორციელებული მანდარინის ექსპორტის მოცულობა გასული წლის ანალოგიური პერიოდის მაჩვენებელთან შედარებით 34%-ით, ხოლო ექსპორტის ღირებულება 37%-ით გაიზარდა.
2021 წელს წარმოებული მანდარინის ექსპორტი ძირითადად განხორციელდა რუსეთში (22.267 ტონა), სომხეთში (5.254 ტონა), უკრაინაში (3.138 ტონა), მოლდოვაში (443 ტონა), ყაზახეთში (281 ტონა), სლოვენიაში (172 ტონა), ყირგიზეთსა (80 ტონა) და სხვა ქვეყნებში (78 ტონა).
ხურმა და კარალიოკი - Sputnik საქართველო, 1920, 22.12.2021
ვინ ყიდულობს ქართულ ხურმას და კარალიოკს
აჭარაში „ნარინჯისფერი რთვლის“ სეზონის ორგანიზებულად ჩატარების მიზნით შექმნილია ოპერატიული საკოორდინაციო საბჭო, რომელიც მიზნად ისახავს როგორც ციტრუსის რეალიზაციის ხელშეწყობას, ისე არასტანდარტული ციტრუსის სუბსიდირების უზრუნველყოფას. შტაბი მუშაობას 1 თებერვლამდე გააგრძელებს.
გარდა არასტანდარტული მანდარინის რეალიზაციისა, შტაბი უწყვეტ რეჟიმში იქნება ჩართული სტანდარტული მანდარინის რეალიზაციის პროცესის მიმდინარეობაში.
წელს რეგიონში 70 ათასამდე ტონა მანდარინის მოსავალს ელოდებიან, რომლის ნაწილიც ექსპორტზე გავა.
ყველა ახალი ამბავი
0