საქართველოს თავდაცვის მინისტრი ბაქოში აზერბაიჯანის პრეზიდენტს შეხვდა

© Ministry of Defence of Georgiaჯუანშერ ბურჭულაძე
ჯუანშერ ბურჭულაძე - Sputnik საქართველო, 1920, 22.12.2021
გამოწერა
ჯუანშერ ბურჭულაძემ და ილჰამ ალიევმა როგორც ორმხრივ, ისე სამმხრივ ფორმატში სამხედრო თანამშრომლობის გააქტიურების პერსპექტივები განიხილეს.
თბილისი, 22 დეკემბერი – Sputnik. საქართველოს თავდაცვის მინისტრი ჯუანშერ ბურჭულაძე ბაქოში ვიზიტის ფარგლებში აზერბაიჯანის პრეზიდენტ ილჰამ ალიევს შეხვდა. ინფორმაციას საქართველოს თავდაცვის სამინისტრო ავრცელებს.
© Ministry of Defence of Georgiaსაქართველოს თავდაცვის მინისტრი ჯუანშერ ბურჭულაძე ბაქოში
Министр обороны Грузии Джуаншер Бурчуладзе в Баку
 - Sputnik საქართველო, 1920, 22.12.2021
საქართველოს თავდაცვის მინისტრი ჯუანშერ ბურჭულაძე ბაქოში
ბურჭულაძემ აღნიშნა, რომ განვითარებულ და სტაბილურ აზერბაიჯანს რეგიონის უსაფრთხოებისთვის გადამწყვეტი მნიშვნელობა აქვს. ამ კონტექსტში მან აზერბაიჯანის პრეზიდენტს საქართველოს პრემიერ-მინისტრის ირაკლი ღარიბაშვილის წინადადება გააცნო, რომელიც სამხრეთ კავკასიაში სტაბილურობის უზრუნველსაყოფად „მშვიდობიანი სამეზობლოს“ შექმნის ინიციატივას გულისხმობს.
შეხვედრაზე განიხილეს სამხედრო სფეროში ორმხრივი და სამმხრივი თანამშრომლობის ფორმატები. თავდაცვის მინისტრმა ყურადღება გაამახვილა აზერბაიჯანთან თავდაცვის სფეროში დადებით დინამიკაზე და წარმატებული უწოდა თანამშრომლობის უნიკალურ ფორმატს აზერბაიჯანი–თურქეთი–საქართველო.
თავისუფლების მოედანი - Sputnik საქართველო, 1920, 27.09.2021
პრემიერის ინიციატივა: თბილისი, როგორც ბაქოსა და ერევნის მოლაპარაკებების პლატფორმა
საქართველოს პრემიერ-მინისტრი ირაკლი ღარიბაშვილი სექტემბერში გაეროს გენერალური ასამბლეის 76–ე სესიაზე შავი ზღვის რეგიონში სტაბილურობის უზრუნველსაყოფად „მშვიდობიანი სამეზობლოს“ შექმნის წინადადებით გამოვიდა.
საქართველო და აზერბაიჯანი სამხედრო სფეროში მჭიდროდ თანამშრომლობენ. სულ ახლახან, 2021 წლის ოქტომბრის დასაწყისში კახეთში სამმხრივი მინისტერიალი გაიმართა, რომელშიც მონაწილეობდნენ ჯუანშერ ბურჭულაძე, აზერბაიჯანის თავდაცვის მინისტრი ზაქირ გასანოვი და თურქეთის თავდაცვის მინისტრი ჰულუსი აკარი. მინისტრებმა თანამშრომლობის შესახებ სამმხრივ დოკუმენტს მოაწერეს ხელი.
აზერბაიჯანელი სამხედროები მონაწილეობდნენ მრავალეროვნულ სამეთაურო-საშტაბო წვრთნებში ETERNITY 2021, რომელიც საქართველოში ოქტომბერში ჩატარდა.
ყველა ახალი ამბავი
0