Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

საქართველოში ღამის კლუბები ორწლიანი პაუზის შემდეგ მუშაობას იწყებენ

© photo: Sputnikღამის კლუბი
ღამის კლუბი - Sputnik საქართველო, 1920, 17.12.2021
გამოწერა
ღამის კლუბები მუშაობას იწყებენ, მაგრამ გარკვეული პირობების დაცვით.
თბილისი, 17 დეკემბერი — Sputnik. საქართველოში ორწლიანი პაუზის შემდეგ ღამის კლუბები იხსნება.
დედაქალაქის კლუბ „ბასიანის" ერთ-ერთმა მფლობელმა ნაჯა ორაშვილმა თავისი დაწესებულების გახსნის შესახებ პოსტი დაწერა.
„17 დეკემბერს, თითქმის ორწლიანი პაუზის შემდეგ, საქართველოს მასშტაბით კლუბების კარი გაიხსნება და, იმედი მაქვს, აღარასოდეს დაიხურება. მადლობა ყველას, ვინც ერთგულად და მტკიცედ დაიცვა საკლუბო კულტურის მთავარი მონაპოვარი – უსაფრთხო სივრცის იდეა, სადაც ზრუნვა და ცოდნის გაზიარება ფუნდამენტურ პრინციპს წარმოადგენს. მალე შევხვდებით საცეკვაო მოედნებზე", – დაწერა ნაჯა ორაშვილმა სოციალურ ქსელში.
ღამის კლუბი - Sputnik საქართველო, 1920, 06.12.2021
COVID-19 - ბოლო ცნობები
შეთანხმება შედგა – რა რეგულაციებით განახლდება ღამის კლუბების საქმიანობა
პანდემიის გამო ელექტრონული მუსიკის სივრცეებს გარკვეული წესების დაცვა მოუწევთ. კლუბებში შესვლას მხოლოდ მწვანე სტატუსის მქონე პირები შეძლებენ. ამ სტატუსის მფლობელებად ითვლებიან სრულად ვაქცინირებული პირები (მეორე ვაქცინაციიდან ორი კვირის შემდეგ), ან ვინც გადაიტანა კორონავირუსი ბოლო ექვსი თვის განმავლობაში.
ზოგიერთ შემთხვევაში შესაძლებელია ბოლო 48 საათის განმავლობაში ჩატარებული PCR–ტესტის უარყოფითი შედეგის წარდგენაც. რაც შეეხება სწრაფ ტესტს, ის არ იძლევა კლუბში შესვლის უფლებას.
ახალი წესების მიხედვით, კლუბებში შემსვლელთა რაოდენობა 50%-ით არის შეზღუდული.
ღამის კლუბები საქართველოში 2020 წლის მარტში, კოვიდ-პანდემიის დაწყებისთანავე დაიხურა.
ყველა ახალი ამბავი
0