https://sputnik-georgia.com/20211216/warmoebulia-saqartvelosi-qartveli-samxedroebi-adgilobrivi-uniformebit-seimosebian-262921128.html
„წარმოებულია საქართველოში“ – ქართველი სამხედროები ადგილზე შეკერილი უნიფორმებით მომარაგდნენ
„წარმოებულია საქართველოში“ – ქართველი სამხედროები ადგილზე შეკერილი უნიფორმებით მომარაგდნენ
Sputnik საქართველო
შპს „დელტა ტექსტილი“, რომელიც სამხედროებს უნიფორმებით ამარაგებს, სამხედრო სამეცნიერო-ტექნიკური ცენტრი „დელტას“ შვილობილი კომპანიაა. 16.12.2021-ს, Sputnik საქართველო
2021-12-16T19:44+0400
2021-12-16T19:44+0400
2021-12-16T22:56+0400
ახალი ამბები
საქართველო
საქართველოს თავდაცვა
https://cdnn1.img.sputnik-georgia.com/img/07e5/0c/10/262917033_0:22:1280:743_1920x0_80_0_0_18bf05cdd452447807beb66a718737ed.jpg
თბილისი, 16 დეკემბერი – Sputnik. თავდაცვის ძალების სამხედრო მოსამსახურეები საქართველოში წარმოებული ზამთრისა და ზაფხულის საველე და ყოველდღიური სამუშაო უნიფორმებით შეიმოსებიან, ნათქვამია საქართველოს თავდაცვის სამინისტროს მიერ გავრცელებულ ინფორმაციაში.უწყების ცნობით, საქართველოს თავდაცვის სამინისტროსა და სხვა ძალოვან უწყებებში მომსახურე პირებს საველე და ყოველდღიური სამუშაო ფორმით შპს „დელტა ტექსტილი“ ამარაგებს.ქართული ჯარის მომარაგების პროცესს საქართველოს თავდაცვის მინისტრი ჯუანშერ ბურჭულაძე პირადად გაეცნო.მინისტრთან ერთად თავდაცვის ძალებში მიღებული უნიფორმები და სპორტული ტანსაცმელი დაათვალიერეს მისმა მოადგილე ზურაბ აზარაშვილმა და თავდაცვის ძალების მეთაურმა, გენერალ-მაიორმა გიორგი მათიაშვილმა.„საქართველოს თავდაცვის ძალების სამხედრო მოსამსახურეებისთვის მაღალი ხარისხის ზამთრისა და ზაფხულის საველე და ყოველდღიური სამუშაო ფორმები თანამედროვე იტალიური და იაპონური წარმოების სამკერვალო დანადგარებით აღჭურვილ ფაბრიკაში იკერება“, – ნათქვამია ინფორმაციაში.გარდა ამისა, აქვე მიმდინარეობს საბრძოლო ეკიპირების, ინდივიდუალური დაცვისა და განტვირთვის სისტემების, მაისურების, საწვიმარი ლაბადების, საქარე ქურთუკების, პულოვერების, ქუდების, ხელთათმანების, ზურგჩანთების, საპატრულო ჩანთების, საველე ჩანთების, სანივთე ტომრების, თეთრეულისა და სპორტული ტანსაცმლის სერიული წარმოება, ნათქვამია თავდაცვის უწყების განცხადებაში. შპს „დელტა ტექსტილი“ სამხედრო სამეცნიერო-ტექნიკური ცენტრი „დელტას“ შვილობილ კომპანიას წარმოადგენს. რაც შეეხება სამხედრო ქარხანა „დელტას“, მისი ისტორია გასული საუკუნის 60-იანი წლებიდან იღებს სათავეს. ამჟამინდელი სახით ცენტრი 2010 წლიდან არსებობს. ის აერთიანებს ექვს სამეცნიერო-კვლევით ინსტიტუტსა და თბილისის საავიაციო ქარხანას, იმყოფება საქართველოს თავდაცვის სამინისტროს დაქვემდებარებაში.„დელტა“ აწარმოებს ჯავშანმანქანებს, ნაღმმტყორცნებს, ყუმბარმტყორცნებს, უნივერსალურ საომარ მოდულებს, უპილოტო აპარატებს, პისტოლეტებს, ჯავშანჟილეტებს, შაშხანებს და სხვ. ცენტრს თავისი პროდუქცია უკვე გააქვს ექსპორტზე.
https://sputnik-georgia.com/20211213/saqartvelo-axali-modelis-javsanmanqanis-eqsports-gegmavs-262830384.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს თავდაცვა
ახალი ამბები, საქართველო, საქართველოს თავდაცვა
„წარმოებულია საქართველოში“ – ქართველი სამხედროები ადგილზე შეკერილი უნიფორმებით მომარაგდნენ
19:44 16.12.2021 (განახლებულია: 22:56 16.12.2021) შპს „დელტა ტექსტილი“, რომელიც სამხედროებს უნიფორმებით ამარაგებს, სამხედრო სამეცნიერო-ტექნიკური ცენტრი „დელტას“ შვილობილი კომპანიაა.
თბილისი, 16 დეკემბერი – Sputnik. თავდაცვის ძალების სამხედრო მოსამსახურეები საქართველოში წარმოებული ზამთრისა და ზაფხულის საველე და ყოველდღიური სამუშაო უნიფორმებით შეიმოსებიან, ნათქვამია საქართველოს თავდაცვის სამინისტროს მიერ გავრცელებულ
ინფორმაციაში.
უწყების ცნობით, საქართველოს თავდაცვის სამინისტროსა და სხვა ძალოვან უწყებებში მომსახურე პირებს საველე და ყოველდღიური სამუშაო ფორმით შპს „დელტა ტექსტილი“ ამარაგებს.
ქართული ჯარის მომარაგების პროცესს საქართველოს თავდაცვის მინისტრი ჯუანშერ ბურჭულაძე პირადად გაეცნო.
მინისტრთან ერთად თავდაცვის ძალებში მიღებული უნიფორმები და სპორტული ტანსაცმელი დაათვალიერეს მისმა მოადგილე ზურაბ აზარაშვილმა და თავდაცვის ძალების მეთაურმა, გენერალ-მაიორმა გიორგი მათიაშვილმა.
„საქართველოს თავდაცვის ძალების სამხედრო მოსამსახურეებისთვის მაღალი ხარისხის ზამთრისა და ზაფხულის საველე და ყოველდღიური სამუშაო ფორმები თანამედროვე იტალიური და იაპონური წარმოების სამკერვალო დანადგარებით აღჭურვილ ფაბრიკაში იკერება“, – ნათქვამია ინფორმაციაში.
გარდა ამისა, აქვე მიმდინარეობს საბრძოლო ეკიპირების, ინდივიდუალური დაცვისა და განტვირთვის სისტემების, მაისურების, საწვიმარი ლაბადების, საქარე ქურთუკების, პულოვერების, ქუდების, ხელთათმანების, ზურგჩანთების, საპატრულო ჩანთების, საველე ჩანთების, სანივთე ტომრების, თეთრეულისა და სპორტული ტანსაცმლის სერიული წარმოება, ნათქვამია თავდაცვის უწყების განცხადებაში.
შპს „დელტა ტექსტილი“ სამხედრო სამეცნიერო-ტექნიკური ცენტრი „დელტას“ შვილობილ კომპანიას წარმოადგენს. რაც შეეხება სამხედრო ქარხანა „დელტას“, მისი ისტორია გასული საუკუნის 60-იანი წლებიდან იღებს სათავეს. ამჟამინდელი სახით ცენტრი 2010 წლიდან არსებობს. ის აერთიანებს ექვს სამეცნიერო-კვლევით ინსტიტუტსა და თბილისის საავიაციო ქარხანას, იმყოფება საქართველოს თავდაცვის სამინისტროს დაქვემდებარებაში.
„დელტა“ აწარმოებს ჯავშანმანქანებს, ნაღმმტყორცნებს, ყუმბარმტყორცნებს, უნივერსალურ საომარ მოდულებს, უპილოტო აპარატებს, პისტოლეტებს, ჯავშანჟილეტებს, შაშხანებს და სხვ. ცენტრს თავისი პროდუქცია უკვე გააქვს ექსპორტზე.
