Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

რამდენი ანტისხეული დაგიცავთ „ომიკრონისგან“: დასახელდა აუცილებელი მაჩვენებელი

© photo: Sputnik / Grigory Sysoev / გადასვლა მედიაბანკშიტესტირება ანტისხეულებზე
ტესტირება ანტისხეულებზე - Sputnik საქართველო, 1920, 14.12.2021
გამოწერა
თბილისი, 14 დეკემბერი — Sputnik. იმისათვის, რომ კორონავირუსის ახალი შტამისგან დაიცვას თავი, ადამიანს მინიმუმ 300 Bau/მლ ანტისხეული უნდა ჰქონდეს, აცხადებს მედიცინის მეცნიერებათა კანდიდატი, იმუნოლოგი ნიკოლაი კრიუჩკოვი.
მისი თქმით, იმუნიტეტის უსასრულოდ ამაღლება საჭირო არ არის, თუმცა მისი მაღალი დონის შენარჩუნება აუცილებელია.

„300 Bau/მლ — ეს არის ის მინიმუმი ახლა, რომელიც რაღაც დაცვას განაპირობებს. ანუ 50, 60 და 100 Bau/მლ — ეს ის არ არის, რის იმედადაც შეიძლება იყოთ, მიუხედავად იმისა, რომ ესეც დადებითი შედეგია. ეს იმას ნიშნავს, რომ სისხლში ანტისხეულები არსებობს, მაგრამ ისინი ცოტაა“, — აღნიშნა იმუნოლოგმა.

ექსპერტის თქმით, რევაქცინაციის გაკეთება ყოველ ექვს თვეში ერთხელაა რეკომენდებული, ვინაიდან დროთა განმავლობაში იმუნიტეტი ქვეითდება და ადამიანი მოწყვლადი ხდება ვირუსის წინაშე.
კრიუჩკოვის თქმით, ახალი შტამის აფეთქება 2022 წლის იანვრის ბოლოსთვისაა მოსალოდნელი, ამიტომ ვაქცინაციისა და რევაქცინაციის გადადება არ ღირს.
„დრო არც ისე ბევრია. ვაქცინაციის შემდეგ იმუნიტეტის ჩამოყალიბებას მინიმუმ ოთხი კვირა სჭირდება, ხოლო მის ამოქმედებას — 5-6 კვირა. ამიტომ თუ იანვარში დაიწყებთ ამაზე ზრუნვას, დიდი ალბათობით, დაგვიანებული იქნება“, — გვაფრთხილებს იმუნოლოგი.
ჯანმოს შტაბ-ბინა ჟენევაში - Sputnik საქართველო, 1920, 14.12.2021
COVID-19 - ბოლო ცნობები
ჯანმო „ომიკრონით“ ჰოსპიტალიზაციისა და სიკვდილიანობის რიცხვების ზრდას ელოდება
მანამდე ისრაელის უდიდესი სამედიცინო ცენტრის სწავლულებმა კვლევა ჩაატარეს და დაადგინეს, რომ „ომიკრონისგან“ დასაცავად ვაქცინა Pfizer-ის ორი დოზა საკმარისი არ არის.
კვლევაში თავად ცენტრის ვაქცინირებული თანამშრომლები მონაწილეობდნენ. ისინი ორ ჯგუფად დაყვეს. პირველში შევიდნენ ისინი, ვისაც მეორე აცრა დაახლოებით ექვსი თვის წინ ჰქონდა გაკეთებული, მეორეში კი ისინი, ვინც ბუსტერული დოზითაც იყო ვაქცინირებული.
„ომიკრონი“ ფენომენალურად სწრაფად ვრცელდება: მოსალოდნელია ინფიცირების დიდი ტალღა>>
კვლევამ აჩვენა, რომ Pfizer-ით ხუთი-ექვსი თვის წინ აცრილებს არ გააჩნიათ „ომიკრონისგან“ დაცვა, თუმცა ისინი ჯერაც დაცულები არიან „დელტასგან“.
ყველა ახალი ამბავი
0