https://sputnik-georgia.com/20211214/levan-koruasvilis-meotxe-braitoni-saudis-arabeti9s-sauketeso-filmad-dasaxelda-262860675.html
ლევან კოღუაშვილის „მეოთხე ბრაიტონი“ საუდის არაბეთში საუკეთესო ფილმად დასახელდა
ლევან კოღუაშვილის „მეოთხე ბრაიტონი“ საუდის არაბეთში საუკეთესო ფილმად დასახელდა
Sputnik საქართველო
ფილმი „მეოთხე ბრაიტონი“ გვიამბობს ქართველი მოჭიდავის ისტორიას, რომელიც ბრუკლინში ჩადის, რათა შვილს აზარტული თამაშების გამო დადებული ვალის გადახდაში დაეხმაროს. 14.12.2021-ს, Sputnik საქართველო
2021-12-14T19:48+0400
2021-12-14T19:48+0400
2023-08-17T19:45+0400
ახალი ამბები
საქართველო
ქართული კინო
კულტურა საქართველოში
https://cdnn1.img.sputnik-georgia.com/img/07e5/0b/0c/262033654_24:0:726:395_1920x0_80_0_0_2b7d4940d81846480e4d543b82e81349.jpg
თბილისი, 14 დეკემბერი – Sputnik. ლევან კოღუაშვილის ფილმი „მეოთხე ბრაიტონი“ საუდის არაბეთში წითელი ზღვის კინოფესტივალის (Saudi Arabia’s inaugural Red Sea Film Festival) საუკეთესო ფილმების ნომინაციის (Best Film) გამარჯვებულია, იუწყება ეროვნული კინოცენტრი.წითელი ზღვის საერთაშორისო კინოფესტივალი საუდის არაბეთის ისტორიაში პირველი კინოფესტივალია. იგეგმება, რომ შემდგომში ის ყოველწლიურად გაიმართება. ის ჩატარდა საპორტო ქალაქ ჯედაში, წითელი ზღვის სანაპიროზე. კინოფესტივალი ორიენტირებულია ახალ ტენდენციებზე საუდის არაბეთის, არაბული სამყაროს და გლობალური სამხრეთის დანარჩენი ნაწილის კინოში.წელს ფესტივალის პროგრამაში მონაწილეობა მიიღო 138 ფილმმა 67 ქვეყნიდან 34 ენაზე, მათ შორის 16 ფილმი საკონკურსო სექციაში იყო წარდგენილი. ქართული ფილმი გამარჯვებისთვის იბრძოდა საერთაშორისო სრულმეტრაჟიანი მხატვრული ფილმების კატეგორიაში.არსებული ინფორმაციით, პრიზი ლევან კოღუაშვილს ჟიურის თავმჯდომარემ, ცნობილმა იტალიელმა რეჟისორმა ჯუზეპე ტორნატორემ გადასცა.ტორნატორეს გარდა, ჟიურის წევრები იყვნენ ტუნისელი მსახიობი ჰენდ საბრი, ამერიკელ-პალესტინელი რეჟისორი, მწერალი, მსახიობი და პროდიუსერი შერიენ დაბისი, „მორელია ინტერნეიშენალ ფილმ ფესტივალის“ დამფუძნებელი დანიელა მიშელი და საუდელი კინორეჟისორი აბდულაზიზ ალშლაჰეი.ფესტივალის ორგანიზატორია ფონდი Red Sea Film Festival Foundation, რომელსაც საუდის არაბეთის პრინცი და სახელმწიფო მოღვაწე ბადრ ალ საუდია ხელმძღვანელობს.ფილმი „მეოთხე ბრაიტონი“ ოთხი ქვეყნის თანამშრომლობით არის შექმნილი, თანაპროდიუსერი კი საქართველოს საზოგადოებრივი მაუწყებლის „პირველი არხია“. ფილმის აღმასრულებელი პროდიუსერები არიან არმენ ზულოიანი, თინათინ ბერძენიშვილი და რუსუდან მანჯგალაძე. „მეოთხე ბრაიტონის“ ძირითადი ნაწილი გადაღებულია ნიუ-იორკში ეროვნული კინოცენტრის მხარდაჭერით, თანადამფინანსებელია საქველმოქმედო ფონდი „ქართუ“.ლევან კოღუაშვილის ფილმი „მეოთხე ბრაიტონი“ საქართველოდან წარდგენილია აშშ-ის კინოაკადემიის პრემია „ოსკარზე" ნომინაციაში „საუკეთესო საერთაშორისო სრულმეტრაჟიანი ფილმი“.ლევან კოღუაშვილის ფილმი გვიყვება ამაღელვებელ ისტორიას ქართველი მოჭიდავე კახის შესახებ, რომელიც ბრუკლინში ჩადის, რათა შვილს აზარტული თამაშების გამო დადებული ვალის გადახდაში დაეხმაროს.ფილმში კახის პერსონაჟს ლეგენდარული ქართველი მოჭიდავე, მსოფლიო ჩემპიონატების ხუთგზის და ოლიმპიური თამაშების ორგზის ჩემპიონი, მსახიობი ლევან თედიაშვილი ასრულებს. ამასთან, ერთ-ერთ მთავარ როლშია ასევე ლეგენდარული ქართველი მსახიობი კახი კავსაძე, რომლისთვისაც „მეოთხე ბრაიტონი“, სამწუხაროდ, ბოლო ფილმი აღმოჩნდა. ფილმის დამდგმელი ოპერატორია ფედონ პაპამიქაელი, რომელიც ორჯერ იყო ნომინირებული „ოსკარზე“, როგორც საუკეთესო კინოოპერატორი.აღსანიშნავია, რომ ფილმმა „მეოთხე ბრაიტონი“ Asian World Film Festival-ის საუკეთესო ფილმის ნომინაციაში გაიმარჯვა. მან ასევე მიიღო ტრაიბეკას საერთაშორისო კინოფესტივალზე სამი მთავარი ჯილდო: საუკეთესო ფილმი, საუკეთესო სცენარი, საუკეთესო მსახიობი – ლევან თედიაშვილი. გარდა ამისა, ფილმმა კოტბუსის საერთაშორისო კინოფესტივალის სამი პრიზიც მოიპოვა.
https://sputnik-georgia.com/20211211/tbilisis-saertasoriso-kinofestivalze-sauketeso-filmebi-gamovlinda-262790430.html
https://sputnik-georgia.com/20211124/saqartvelo-oskarze-levan-koguashvilis-meotxe-braitons-waradgens-262313983.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, ქართული კინო, კულტურა საქართველოში
ახალი ამბები, საქართველო, ქართული კინო, კულტურა საქართველოში
ლევან კოღუაშვილის „მეოთხე ბრაიტონი“ საუდის არაბეთში საუკეთესო ფილმად დასახელდა
19:48 14.12.2021 (განახლებულია: 19:45 17.08.2023) ფილმი „მეოთხე ბრაიტონი“ გვიამბობს ქართველი მოჭიდავის ისტორიას, რომელიც ბრუკლინში ჩადის, რათა შვილს აზარტული თამაშების გამო დადებული ვალის გადახდაში დაეხმაროს.
თბილისი, 14 დეკემბერი – Sputnik. ლევან კოღუაშვილის ფილმი „მეოთხე ბრაიტონი“ საუდის არაბეთში წითელი ზღვის კინოფესტივალის (Saudi Arabia’s inaugural Red Sea Film Festival) საუკეთესო ფილმების ნომინაციის (Best Film) გამარჯვებულია,
იუწყება ეროვნული კინოცენტრი.
წითელი ზღვის საერთაშორისო კინოფესტივალი საუდის არაბეთის ისტორიაში პირველი კინოფესტივალია. იგეგმება, რომ შემდგომში ის ყოველწლიურად გაიმართება. ის ჩატარდა საპორტო ქალაქ ჯედაში, წითელი ზღვის სანაპიროზე. კინოფესტივალი ორიენტირებულია ახალ ტენდენციებზე საუდის არაბეთის, არაბული სამყაროს და გლობალური სამხრეთის დანარჩენი ნაწილის კინოში.
წელს ფესტივალის პროგრამაში მონაწილეობა მიიღო 138 ფილმმა 67 ქვეყნიდან 34 ენაზე, მათ შორის 16 ფილმი საკონკურსო სექციაში იყო წარდგენილი. ქართული ფილმი გამარჯვებისთვის იბრძოდა საერთაშორისო სრულმეტრაჟიანი მხატვრული ფილმების კატეგორიაში.
არსებული ინფორმაციით, პრიზი ლევან კოღუაშვილს ჟიურის თავმჯდომარემ, ცნობილმა იტალიელმა რეჟისორმა ჯუზეპე ტორნატორემ გადასცა.
„ნომინანტებმა წარმოაჩინეს ნიჭის წარმოუდგენელი დიაპაზონი მრავალფეროვან და საინტერესო თემებზე. ეს იყო არაჩვეულებრივი გამოცდილება. ამ ფილმებმა შეგვძრა და შთაგვაგონა, და მათ აჩვენეს ფილმის გადაღების განსაკუთრებული ნიჭი და დამაჯერებელი ისტორიები", – აღნიშნა ტორნატორემ დაჯილდოების ცერემონიაზე.
ტორნატორეს გარდა, ჟიურის წევრები იყვნენ ტუნისელი მსახიობი ჰენდ საბრი, ამერიკელ-პალესტინელი რეჟისორი, მწერალი, მსახიობი და პროდიუსერი შერიენ დაბისი, „მორელია ინტერნეიშენალ ფილმ ფესტივალის“ დამფუძნებელი დანიელა მიშელი და საუდელი კინორეჟისორი აბდულაზიზ ალშლაჰეი.
ფესტივალის ორგანიზატორია ფონდი Red Sea Film Festival Foundation, რომელსაც საუდის არაბეთის პრინცი და სახელმწიფო მოღვაწე ბადრ ალ საუდია ხელმძღვანელობს.
ფილმი „მეოთხე ბრაიტონი“ ოთხი ქვეყნის თანამშრომლობით არის შექმნილი, თანაპროდიუსერი კი საქართველოს საზოგადოებრივი მაუწყებლის „პირველი არხია“. ფილმის აღმასრულებელი პროდიუსერები არიან არმენ ზულოიანი, თინათინ ბერძენიშვილი და რუსუდან მანჯგალაძე. „მეოთხე ბრაიტონის“ ძირითადი ნაწილი გადაღებულია ნიუ-იორკში ეროვნული კინოცენტრის მხარდაჭერით, თანადამფინანსებელია საქველმოქმედო ფონდი „ქართუ“.
ლევან კოღუაშვილის ფილმი „მეოთხე ბრაიტონი“ საქართველოდან წარდგენილია აშშ-ის კინოაკადემიის პრემია „ოსკარზე" ნომინაციაში „საუკეთესო საერთაშორისო სრულმეტრაჟიანი ფილმი“.
ლევან კოღუაშვილის ფილმი გვიყვება ამაღელვებელ ისტორიას ქართველი მოჭიდავე კახის შესახებ, რომელიც ბრუკლინში ჩადის, რათა შვილს აზარტული თამაშების გამო დადებული ვალის გადახდაში დაეხმაროს.
ფილმში კახის პერსონაჟს ლეგენდარული ქართველი მოჭიდავე, მსოფლიო ჩემპიონატების ხუთგზის და ოლიმპიური თამაშების ორგზის ჩემპიონი, მსახიობი ლევან თედიაშვილი ასრულებს. ამასთან, ერთ-ერთ მთავარ როლშია ასევე ლეგენდარული ქართველი მსახიობი კახი კავსაძე, რომლისთვისაც „მეოთხე ბრაიტონი“, სამწუხაროდ, ბოლო ფილმი აღმოჩნდა. ფილმის დამდგმელი ოპერატორია ფედონ პაპამიქაელი, რომელიც ორჯერ იყო ნომინირებული „ოსკარზე“, როგორც საუკეთესო კინოოპერატორი.
აღსანიშნავია, რომ ფილმმა „მეოთხე ბრაიტონი“ Asian World Film Festival-ის საუკეთესო ფილმის ნომინაციაში გაიმარჯვა. მან ასევე მიიღო ტრაიბეკას საერთაშორისო კინოფესტივალზე სამი მთავარი ჯილდო: საუკეთესო ფილმი, საუკეთესო სცენარი, საუკეთესო მსახიობი – ლევან თედიაშვილი. გარდა ამისა, ფილმმა კოტბუსის საერთაშორისო კინოფესტივალის სამი პრიზიც მოიპოვა.
