სააკაშვილი კვების ჩვეულ რეჟიმს დაუბრუნდა და მწვრთნელის დახმარებით ვარჯიშს დაიწყებს

© photo: Sputnik / Vladimir Umikashviliშესასვლელი გორის ჰოსპიტალში
შესასვლელი გორის ჰოსპიტალში - Sputnik საქართველო, 1920, 13.12.2021
გამოწერა
მეთოდისტი, რომელიც უნდა დაეხმაროს სააკაშვილს ფიზიკური აქტივობის აღდგენაში, ფიზიკური დატვირთვების გეგმას შეიმუშავებს, განაცხადა ექიმმა
თბილისი, 13 დეკემბერი - Sputnik. ექს-პრეზიდენტი მიხეილ სააკაშვილი ცოტას მოძრაობს, ამიტომ მას მწვრთნელი დაუნიშნეს, განაცხადა ენდოკრინოლოგმა, სახელმწიფო კონსილიუმის წევრმა ელენე გიორგაძემ.
ჯანდაცვის სამინისტროს მიერ შექმნილი კონსილიუმის ექიმებმა სააკაშვილი ორშაბათს, 13 დეკემბერს გეგმიური შემოწმების მიზნით მოინახულეს. მედიკოსების თქმით, ექს-პრეზიდენტის ლაბორატორიული მაჩვენებლები დამაკმაყოფილებელია და ამ მომენტისთვის სიცოცხლისთვის საშიში რაიმე გართულება არ აღენიშნება. მას არცერთი ვიტამინის დეფიციტი არ აქვს და ხვალიდან ის ჩვეულ შერეულ კვებაზე გადავა.

„რამდენი ხანია აქ არის, მანამდე იყო მე-18 დაწესებულებაში, სისუსტე ამისგან არის გამოწვეული, იქაც არ მოძრაობდა და აქაც. თვითონ არ აქვს სურვილი, ბევრი იმოძრაოს და ივარჯიშოს. ორი კვირის წინაც ვთხოვდით, რომ დაიწყოს ვარჯიშები, ამოიყვანეს ტრენერი, რომ მასთან ერთად ივარჯიშოს, რადგან სურვილი არ აქვს. ესეც დაკავშირებულია ემოციურ ტრავმასთან, მენტალურ ჯანმრთელობასთან. ადამიანს უნდა ჰქონდეს სურვილი, ივარჯიშოს და გახდეს უფრო ძლიერი“, – განუცხადა ჟურნალისტებს გიორგაძემ.

მისი თქმით, მეთოდისტი, რომელიც უნდა დაეხმაროს სააკაშვილს ფიზიკური აქტივობის აღდგენაში, დატვირთვების გეგმას შეიმუშავებს.
ჰემატოლოგმა ნინო შარაშენიძემ განაცხადა, რომ ექს-პრეზიდემტს პერიოდულად აღენიშნება სისუსტე, რომელიც დღის მეორე ნახევარში მწვავდება. ექიმები აღნიშნავენ, რომ სააკაშვილს ღლის ვიზიტები, ემოციები, რომლებსაც ის ტელეეკრანიდან იღებს.
„ადრე უფრო აქტიურად მოძრაობდა. ახლა გაცილებით უფრო ზარმაცობს და ნაკლებად მოძრაობს. დღეს საღამოს არ დაგვთანხმდა ფიზიკურად უფრო მეტი აქტიური რომ ყოფილიყო. მაგრამ მივიღეთ მისი დასტური, რომ მეთოდისტთან ერთად იქნება უფრო აქტიური და შეასრულებს დავალებებს, რასაც ექიმი სპეციალისტი შეიმუშავებს“, - განაცხადა ნინო შარაშენიძემ.
მიხეილ სააკაშვილი სასამართლო პროცესზე - Sputnik საქართველო, 1920, 13.12.2021
დეპუტატი: სააკაშვილის უცხოეთის კურორტზე გაგზავნა დღის წესრიგში არ დგას
50-დღიანი შიმშილობის შემდეგ ექს-პრეზიდენტი მიხეილ სააკაშვილი გლდანის ციხის საავადმყოფოდან გადაიყვანეს გორის სამხედრო ჰოსპიტალში, სადაც ის რეაბილიტაციის კურსს გადის.
იუსტიციის სამინისტროს მონაცემებით, მკურნალობის დასრულების შემდეგ სააკაშვილს რუსთავის №12 პენიტენციურ დაწესებულებაში დააბრუნებენ, სადაც დაკავების შემდეგ, 1 ოქტომბერს მოათავსეს. მას 6-წლიანი პატიმრობა აქვს მისჯილი, ხოლო კიდევ სამ საქმეზე განაჩენი ჯერ არ გამოუტანიათ.
ყველა ახალი ამბავი
0