მებაჟე ოფიცრებმა საბაჟო-გამშვებ პუნქტებში ფულის უკანონო შემოტანა აღკვეთეს

© Pixabay / Olga1205რუსული რუბლი
რუსული რუბლი - Sputnik საქართველო, 1920, 10.12.2021
გამოწერა
კანონდამრღვევ მოქალაქეებს სანქციის სახით 115 ათას ლარზე მეტი ფულადი ჯარიმა დაეკისრათ.
თბილისი, 10 დეკემბერი — Sputnik. მებაჟე ოფიცრებმა 30 ოქტომბრიდან 8 დეკემბრის ჩათვლით პერიოდში სასაზღვრო-გამშვებ პუნქტებზე 857.550 ლარის ოდენობის არადეკლარირებული თანხა აღმოაჩინეს, იუწყება საქართველოს ფინანსთა სამინისტროს შემოსავლების სამსახური.
კერძოდ, საბაჟო-გამშვებ პუნქტებში ,„თბილისის აეროპორტი“, „წითელი ხიდი“ და „ქუთაისის აეროპორტი“ მებაჟე ოფიცრებმა ეჭვის საფუძველზე ქუვეითის, ბელარუსის, ირანის ისლამური სახელმწიფოს, საქართველოსა და ყაზახეთის მოქალაქეების როგორც ფიზიკური, ასევე კუთვნილი ბარგის დათვალიერების შედეგად არადეკლარირებული თანხა, ჯამში 328.843 აშშ დოლარი, 475 ბელარუსული რუბლი, 22.500 ყაზახური ტენგე და 3.000.000 რუსული რუბლი გამოავლინეს.
ძვირფასეულობა - Sputnik საქართველო, 1920, 18.11.2021
5 კგ-მდე არადეკლარირებული ოქრო: დაკავებულია ერთი პირი
უწყების ინფორმაციით, არადეკლარირებული თანხის საერთო რაოდენობამ, ეროვნული ბანკის გაცვლითი კურსის მიხედვით, 857.550 ლარზე მეტი შეადგინა.
საბაჟო კოდექსის 169-ე მუხლის მესამე ნაწილის თანახმად, კანონდამრღვევ მოქალაქეებს სანქციის სახით ჯამურად 115.755 ლარის ოდენობით ფულადი ჯარიმა დაეკისრათ.
უკანონო შემოსავლების ლეგალიზაციის აღკვეთის მიზნით საქართველოს საბაჟო ტერიტორიაზე ნაღდი ფულისა და ფასიანი ქაღალდების შემოტანა და გატანა ფინანსთა სამინისტროს შემოსავლების სამსახურის მხრიდან მკაცრ კონტროლს ექვემდებარება.
ყველა ახალი ამბავი
0