https://sputnik-georgia.com/20211209/tbilisis-meria-kaxa-kaladze-262723831.html
იპოდრომთან მდებარე ყოფილი ჩოგბურთის კორტების ტერიტორია მერიამ აუქციონზე გაყიდა
იპოდრომთან მდებარე ყოფილი ჩოგბურთის კორტების ტერიტორია მერიამ აუქციონზე გაყიდა
Sputnik საქართველო
5 მილიონი ლარის ინვესტიცია, არანაკლებ 3 საჩოგბურთო კორტი და სპორტული სივრცეების მოწყობა – ამ პირობების დაკმაყოფილება გამარჯვებულ კომპანიას 2 წლის ვადაში... 09.12.2021-ს, Sputnik საქართველო
2021-12-09T14:37+0400
2021-12-09T14:37+0400
2021-12-09T19:58+0400
საზოგადოება
საქართველო
კახა კალაძე
თბილისის მერია
https://cdnn1.img.sputnik-georgia.com/img/07e5/04/1d/251603587_120:0:2056:1089_1920x0_80_0_0_c5c6234b936680d874372e14c60274a3.jpg
თბილისი, 9 დეკემბერი – Sputnik. იპოდრომთან მდებარე ყოფილი ჩოგბურთის კორტების ტერიტორია აუქციონზე გაიყიდა. გამარჯვებული შპს „კორტები“ გახდა, და იქ ისევ საჩოგბურთო კორტები და სპორტული სივრცეები მოეწყობა. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.გამარჯვებულ კომპანიას, რომელმაც არსებული სივრცე შეისყიდა, გადაეცემა საკუთრების უფლება და ვალდებულება – ხელშეკრულების გაფორმებიდან 2 წლის ვადაში განახორციელოს 5 მილიონი ლარის ინვესტიცია, მოაწყოს არანაკლებ 3 საჩოგბურთო კორტი, ასევე მოაწყოს სპორტული დანიშნულების და მასთან დაკავშირებული სხვადასხვა სივრცეები.როგორც კალაძემ აღნიშნა, ტერიტორია წინა ხელისუფლების დროს, 2009 წელს გასხვისდა და იქ საცხოვრებელი კორპუსების აშენება იყო დაგეგმილი, მაგრამ უკვე მოქმედი ხელისუფლების პირობებში ყოფილი კორტების ტერიტორია მუნიციპალიტეტმა დაიბრუნა.აღნიშნული ტერიტორიის მოწესრიგებას კახა კალაძე ადგილობრივ მოსახლეობას ჯერ კიდევ 2018 წლის ნოემბერში დაჰპირდა. პროექტის განხორციელება 2019 წლიდან უნდა დაწყებულიყო.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
იპოდრომი თბილისის მერია კახა კალაძე კორტები
იპოდრომი თბილისის მერია კახა კალაძე კორტები
იპოდრომთან მდებარე ყოფილი ჩოგბურთის კორტების ტერიტორია მერიამ აუქციონზე გაყიდა
14:37 09.12.2021 (განახლებულია: 19:58 09.12.2021) 5 მილიონი ლარის ინვესტიცია, არანაკლებ 3 საჩოგბურთო კორტი და სპორტული სივრცეების მოწყობა – ამ პირობების დაკმაყოფილება გამარჯვებულ კომპანიას 2 წლის ვადაში მოუწევს.
თბილისი, 9 დეკემბერი – Sputnik. იპოდრომთან მდებარე ყოფილი ჩოგბურთის კორტების ტერიტორია აუქციონზე გაიყიდა. გამარჯვებული შპს „კორტები“ გახდა, და იქ ისევ საჩოგბურთო კორტები და სპორტული სივრცეები მოეწყობა. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.
გამარჯვებულ კომპანიას, რომელმაც არსებული სივრცე შეისყიდა, გადაეცემა საკუთრების უფლება და ვალდებულება – ხელშეკრულების გაფორმებიდან 2 წლის ვადაში განახორციელოს 5 მილიონი ლარის ინვესტიცია, მოაწყოს არანაკლებ 3 საჩოგბურთო კორტი, ასევე მოაწყოს სპორტული დანიშნულების და მასთან დაკავშირებული სხვადასხვა სივრცეები.
როგორც კალაძემ აღნიშნა, ტერიტორია წინა ხელისუფლების დროს, 2009 წელს გასხვისდა და იქ საცხოვრებელი კორპუსების აშენება იყო დაგეგმილი, მაგრამ უკვე მოქმედი ხელისუფლების პირობებში ყოფილი კორტების ტერიტორია მუნიციპალიტეტმა დაიბრუნა.
„წინა ხელისუფლების პერიოდში, როდესაც ისინი სხვა გადმოსახედიდან უყურებდნენ დედაქალაქს, კორპუსების ასაშენებლად იპოდრომის ტერიტორია გასხვისდა. თუმცა ჩვენი ჩართულობით, ჩვენი ხელისუფლებისა და მთავრობის პირობებში, უშუალოდ ჩემი მონაწილეობით ეს ტერიტორია დავიბრუნეთ. ძალიან მიხარია, რომ ეს სივრცეც მოწესრიგდება და ქალაქს დაუბრუნდება ის ძველი ინფრასტრუქტურა, რაზეც ადგილობრივი მოსახლეობის მხრიდანაც იყო დიდი მოთხოვნა“, – განაცხადა კახა კალაძემ.
აღნიშნული ტერიტორიის მოწესრიგებას კახა კალაძე ადგილობრივ მოსახლეობას ჯერ კიდევ 2018 წლის ნოემბერში დაჰპირდა. პროექტის განხორციელება 2019 წლიდან უნდა დაწყებულიყო.
