ბრიტანელმა ექიმმა ბავშვებში „ომიკრონის“ უჩვეულო სიმპტომი დაასახელა
12:34 08.12.2021 (განახლებულია: 15:53 20.07.2023)
© AP Photo / Nam Y. Huh
გამოწერა
თბილისი, 8 დეკემბერი − Sputnik. კორონავირუსის ახალი შტამი „ომიკრონი“ სხვადასხვაგვარად ვლინდება ბავშვებსა და ზრდასრულებში, განუცხადა ტელეარხ Sky News-ს ბრიტანელმა ექიმმა დევიდ ლოიდმა.
“Up to 15 percent of the Omicron children are getting a rash.”
— Sky News (@SkyNews) December 7, 2021
GP Dr David Lloyd says there are some differences in the symptoms of children with the Omicron variant when compared to adults.
Get live #COVID updates: https://t.co/cpvhyGBvN5 pic.twitter.com/pILeOegwPI
მისი თქმით, კორონავირუსის ახალი შტამის ძირითადი სიმპტომები უფროსი ასაკის ადამიანებში − დაღლილობის შეგრძნება, თავის ტკივილი და მადის დაკარგვაა. რაც შეეხება ბავშვებს, გარდა ამ სიმპტომებისა, „ომიკრონი“ შესაძლოა გამონაყარის სახით გამოვლინდეს.
„ბავშვების დაახლოებით 15 პროცენტი „ომიკრონის“ შემთხვევაში გამონაყარს აწყდება − უჩვეულო გამონაყარს“, − განმარტა ექიმმა.
მისი თქმით, ზრდასრულებსა და ბავშვებში დაავადების სიმპტომებში განსხვავება სულ უფრო აშკარა ხდება. თუ მანამდე COVID-19-ით დაავადებულ არასრულწლოვნებში გამონაყარი ერთეული შემთხვევები იყო, ახლა ამ მაჩვენებელმა ბევრად მოიმატა.
„ეს სიმპტომი ისეთივე მნიშვნელოვანი ხდება, როგორიც სტანდარტულად მიჩნეული ნიშნებია. „ომიკრონის“ შესახებ სულ უფრო მეტი ახალი მონაცემი ჩნდება. არსებობს იმედი, რომ ის არ იქნება ისეთივე სასიკვდილო, როგორი „დელტაა“, თუმცა, როგორც უკვე ცნობილია, ეს ვარიანტი ძალიან სწრაფად ვრცელდება. ამიტომ სიმშვიდე ნაადრევია“, − თქვა ექიმმა.
მანამდე ჯანმრთელობის მსოფლიო ორგანიზაციის წარმომადგენელმა მარია ვან კერკჰოვემ განაცხადა, რომ ახალი შტამით ინფიცირებულებს დაავადება COVID-19 ბევრად მსუბუქი ფორმით უვითარდებათ.
ამ დროისათვის „ომიკრონი“ მსოფლიოს 57 ქვეყანაშია გამოვლენილი, თუმცა სიკვდილიანობის შემთხვევები არ დაფიქსირებულა.
