Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ციციშვილის კლინიკაში მოთავსებული 90 არასრულწლოვნიდან 13-ის მდგომარეობა კრიტიკულია

© AP Photo / Valentina Petrovaკლინიკა
კლინიკა - Sputnik საქართველო, 1920, 30.11.2021
გამოწერა
ეპიდემიოლოგები აღნიშნავენ, რომ ბავშვების დაცვის ერთადერთი შესაძლებლობა მშობლებისა და ოჯახის წევრების ვაქცინაციაა.
თბილისი, 30 ნოემბერი — Sputnik. ბოლო მონაცემებით, ციციშვილის სამედიცინო დაწესებულებაში 90 კოვიდინფიცირებული ბავშვი მკურნალობს, მათგან 13-ის მდგომარეობა კი კრიტიკულად მძიმეა, განაცხადა ციციშვილის კლინიკის ხარისხის მართვის და პაციენტთა უსაფრთხოების სამსახურის მენეჯერმა სალომე ღამბაშიძემ ტელეკომპანია „რუსთავი 2"-ის ეთერში.
ღამბაშიძის თქმით, ამ დროისთვის კლინიკაში კოვიდინფიცირებული არასრულწლოვანი პაციენტების მიმართვიანობა კვლავ მაღალია.
ღამბაშიძის განცხადებით, მძიმეა ციციშვილის კლინიკაში მოთავსებული თვენახევრის ბავშვის მგომარეობაც, რომელიც მართვით სუნთქვაზე იმყოფება.
„ამ ეტაპისთვის, ჩვენს დაწესებულებაში 90 ინფიცირებული ბავშვი მკურნალობს. მათგან 13 კრიტიკულია. 2 ბავშვის მდგომარეობა შედარებით მძიმეა, ერთი გახლავთ თვენახევრის ასაკის, ისინი მართვით სუნთქვას საჭიროებენ", - განაცხადა ღამბაშიძემ.
ეპიდემიოლოგები მშობლებს შვილების აცრისკენ მოუწოდებენ და აღნიშნავენ, რომ ბავშვების დაცვის ერთადერთი შესაძლებლობა მშობლებისა და ოჯახის წევრების ვაქცინაციაა.
ბავშვები პირბადეებით - Sputnik საქართველო, 1920, 21.11.2021
COVID-19 - ბოლო ცნობები
ჩხაიძე: ბავშვებში კორონავირუსით ინფიცირების შემთხვევები გაორმაგებულია
საქართველოში კორონავირუსით დაავადებულთა რაოდენობა ბოლო დღე-ღამის განმავლობაში 5.050-ით გაიზარდა და ინფიცირებულთა საერთო რიცხვმა 845.643-ს მიაღწია.
ბოლო დღე-ღამის განმავლობაში გარდაიცვალა 80 ადამიანი და გარდაცვლილთა საერთო რაოდენობამ 12.054-ს მიაღწია. ამასთან, სრულად ვაქცინირებულია 998.613 ადამიანი - მოზრდილი მოსახლეობის 35.0%.
ყველა ახალი ამბავი
0