Праздничное оформление - Sputnik საქართველო, 1920
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

ავღანეთში ნაომარი ტყუპი ჯარისკაცები – კრიშტიანუ რონალდუს პირადი მცველები დასჭირდა

© photo: Sputnik / Grigory Sysoev / გადასვლა მედიაბანკშიკრიშტიანუ რონალდუ
კრიშტიანუ რონალდუ - Sputnik საქართველო, 1920, 30.11.2021
გამოწერა
ისინი ხალხში მარტივად ირევიან, მაგრამ საეჭვო მოქმედების შემჩნევა და საჭირო დროს რეაგირებაც ძალიან სწრაფად შეუძლიათ – ასე დაახასიათეს პორტუგალიელი ფეხბურთელის პირადი მცველები.
თბილისი, 30 ნოემბერი – Sputnik. პორტუგალიელი ფეხბურთელი კრიშტიანუ რონალდუ მანჩესტერის ქუჩებში პირად დაცვასთან ერთად დააფიქსირეს. „მანჩესტერ იუნაიტედის“ ვარსკვლავის პირადი მცველები ყოფილი სპეცრაზმელები არიან, რომლებსაც საკმაოდ საინტერესო წარსული აქვთ. ამის შესახებ სტატია გამოცემა The Sun-მა გამოაქვეყნა.
© Twitter / Manu Herediaკრიშტიანუ რონალდუ
კრიშტიანუ რონალდუ - Sputnik საქართველო, 1920, 30.11.2021
კრიშტიანუ რონალდუ
საინტერესოა, რომ პორტუგალიელი ფეხბურთელის ახალი პირადი მცველები ტყუპები არიან, რომლებიც ავღანეთის სპეციალური შეიარაღებული ძალების რიგებში იბრძოდნენ. როგორც უცხოურ მედიაში იწერება, კრიშტიანუს პირადი მცველების აყვანა მას შემდეგ ურჩიეს, რაც მანჩესტერში კრიმინალური ჯგუფები მოძლიერდნენ და ბოლო დროს ძარცვის ფაქტებმაც საკმაოდ იმატა.
© Twitter / United Updateკრიშტიანუ რონალდუ
კრიშტიანუ რონალდუ - Sputnik საქართველო, 1920, 30.11.2021
კრიშტიანუ რონალდუ
პორტუგალიელი ტყუპები სერჟიო და ჟორჟე რამალეირუები 2003 წელს ავღანეთში იბრძოდნენ, შემდეგ კი პორტუგალიის პოლიციაში გადავიდნენ, სადაც პოლიტიკოსების, მოსამართლეებისა და სხვადასხვა თანამდებობის პირების დაცვა ევალებოდათ. პორტუგალიური მედიის ცნობით, ძმებმა პოლიციაში აუნაზღაურებელ შვებულებაში გასვლა ითხოვეს, რის შემდეგაც რონალდუს გარემოცვაში აღმოჩდნენ. ფეხბურთელთან რამალეირუების მესამე ძმა ალეშანდრეც მუშაობს, რომელიც ჯერ კიდევ პოლიციის ოფიცერია. ძმები პირველად მაშინ გამოჩნდნენ, როცა „მანჩესტერ იუნაიტედი“ შვეიცარიაში „იანგ ბოიზის“ წინააღმდეგ სათამაშოდ მიფრინავდა.
© AP Photo / Luca Brunoკრიშტიანუ რონალდუ
კრიშტიანუ რონალდუ - Sputnik საქართველო, 1920, 30.11.2021
კრიშტიანუ რონალდუ
პორტუგალიელი ვარსკვლავი აეროპორტში სწორედ ამ მცველების თანხლებით მივიდა. მანამდე, ნოემბრის დასაწყისში ერთ-ერთი ტყუპისცალი მადრიდშიც შეამჩნიეს, ის რონალდუს საცოლე ჯორჯინა როდრიგესთან ერთად იმყოფებოდა. ადგილობრივ მედიასთან ტყუპების შესახებ მათმა ახლობელმაც ისაუბრა, სადაც ყოფილი სპეცრაზმელების პროფესიონალიზმს გაუსვა ხაზი: „ძმები ელეგანტურად იცვამენ და ნორმალურად გამოიყურებიან. მათ ხალხში არევა ადვილად შეუძლიათ, მაგრამ საეჭვო მოქმედების შემჩნევა და საჭირო დროს რეაგირებაც ძალიან სწრაფად გამოსდით“.
ტყუპები, რომლებიც კრიშტიანუსა და მის ოჯახს იცავენ, ლისაბონთან ახლოს მდებარე ქალაქ პომბალის პატარა სოფელში დაიბადნენ, არმიას კი სკოლის დასრულებისთანავე შეუერთდნენ. ისინი იბრძოდნენ დანაყოფში, სახელად „კომანდუშ“, რომელიც ანგოლაში 1962 წელს შეიქმნა და მათი საბრძოლო შეძახილია: „ჩვენ აქ ვართ, მზად თავგანწირვისთვის!“
ერთ-ერთმა ლეიტენანტმა, რომელსაც სამივე ძმასთან ერთად აქვს ნამუშევარი, ადგილობრივ გაზეთს განუცხადა, რომ ძმები მენტალურად და ფიზიკურად ძალიან ძლიერები არიან და პორტუგალიელი ვარსკვლავის გულშემატკივრები მშვიდად უნდა იყვნენ. რონალდუს პირადი მცველები წარსულშიც ჰყავდა. ერთ-ერთი იყო ნუნუ მარეკოსი, ყოფილი MMA-ს მებრძოლი და საჰაერო-სადესანტო ნაწილის ჯარისკაცი, რომელიც თავისუფალ დროს კორიდაზე ხართან ბრძოლით არის დაკავებული. ნუნუსთან ერთად კრიშტიანუს იცავდა ასევე MMA-ს მებრძოლი გონსალო სალგადო. მას პროფესიონალურ სპორტში შვიდი ორთაბრძოლა აქვს ჩატარებული და აქედან ხუთი ნოკაუტით მოიგო.
36 წლის პორტუგალიელი ფეხბურთელი მიმდინარე წლის ზაფხულში ტურინის „იუვენტუსიდან“ ინგლისურ „მანჩესტერ იუნაიტედში“ გადაბარგდა. მანამდე რონალდუს აქტიურად უკავშირებდნენ „მანჩესტერ სიტის“, თუმცა ბოლო წამს პორტუგალიელმა თავის ყოფილ გუნდში გადასვლა ამჯობინა.
ცნობილია, რომ კრიშტიანუ “მანჩესტერ იუნაიტედში“ 2003-2009 წლებშიც ასპარეზობდა, სადაც ჩატარებულ 196 შეხვედრაში 84 გოლი გაიტანა. მიმდინარე სეზონში კი „წითელი ეშმაკების“ რიგებში რონალდუს ანგარიშზე 10 შეხვედრაში 4 გოლია.
ყველა ახალი ამბავი
0