https://sputnik-georgia.com/20211129/entoni-fauci-omikronis-winaarmdeg-vaqcinebis-efeqturobaze-pasuxi-or-kvirasi-iqneba-262435048.html
რა იცავს „ომიკრონისგან“: აშშ-ის მთავარი ინფექციონისტის განმარტება
რა იცავს „ომიკრონისგან“: აშშ-ის მთავარი ინფექციონისტის განმარტება
Sputnik საქართველო
აშშ-ის მთავარი ინფექციონისტი ენტონი ფაუჩი „ომიკრონისგან“ დასაცავად ბუსტერული დოზის გაკეთებას გვირჩევს. 29.11.2021-ს, Sputnik საქართველო
2021-11-29T10:46+0400
2021-11-29T10:46+0400
2023-07-20T15:53+0400
მსოფლიო დღეს
აშშ
covid-19
მსოფლიოს ახალი ამბები
https://cdnn1.img.sputnik-georgia.com/img/07e5/02/13/250941816_0:160:3073:1888_1920x0_80_0_0_8abb30ce8c4b8b2ad9272b8109418aaf.jpg
თბილისი, 29 ნოემბერი — Sputnik. სპეციალისტებს კიდევ ორი კვირა სჭირდებათ იმისთვის, რომ კორონავირუსის ახალი შტამის „ომიკრონის“ მახასიათებლები განსაზღვრონ, აცნობა აშშ-ის მთავარმა ინფექციონისტმა ენტონი ფაუჩიმ პრეზიდენტ ჯო ბაიდენს. ამის შესახებ ნათქვამია თეთრი სახლის პრეს-რელიზში.თუმცა, როგორც აღინიშნება, ფაუჩის თქმით, არსებული ვაქცინები, დიდი ალბათობით, დაიცავს ადამიანებს დაავადების მძიმე ფორმისგან.მანამდე ენტონი ფაუჩიმ განაცხადა, რომ კორონავირუსის ახალი შტამისგან დასაცავად აუცილებელია ვაქცინაცია, ხოლო ორი დოზით ვაქცინირებულებისთვის — ბუსტერული დოზის გაკეთება. მისი თქმით, ახლა უკვე დანამდვილებითაა ცნობილი, რომ ბუსტერული აცრა „მკვეთრად ზრდის დაცვის დონეს“.ბრიტანელმა მეცნიერებმა 24 ნოემბერს გაავრცელეს ინფორმაცია, რომ ბოტსვანასა და სამხრეთ აფრიკის რესპუბლიკაში COVID-19-ის ახალი შტამი B.1.1.529 გამოვლინდა, რომლის მომჭიდებელ ცილაში 32 მუტაციაა აღმოჩენილი. ეს ზრდის ახალი შტამის მდგრადობას ვაქცინებისადმი და ასევე გადადების უნარს. თუმცა მეცნიერები იმასაც აღნიშნავენ, რომ მუტაციების დიდი რაოდენობა შტამს არასტაბილურობით ემუქრება, რაც მის გავრცელებას გააძნელებს.ახალი შტამი ჯანმომ საგანგებო სხდომაზე „შეშფოთების გამომწვევად“ აღიარა და ბერძნული ანბანის მეთხუთმეტე ასოს მიხედვით „ომიკრონი“ უწოდა. ამ დროისათვის „ომიკრონი“ უკვე დაფიქსირებულია ბელგიაში, ისრაელში, ავსტრალიაში, გერმანიაში, დიდ ბრიტანეთში, ნიდერლანდსა და სხვა ქვეყნებში. ჯერჯერობით ყველა გამოვლენილი შემთხვევა სხვა ქვეყნიდანაა შეტანილი. რიგმა სახელმწიფოებმა უკვე ჩაკეტეს საზღვრები აფრიკის ქვეყნებიდან ჩამსვლელებისთვის.
https://sputnik-georgia.com/20211129/janmos-gafrtxileba-omikronit-daavadebagadatanilebic-seizleba-dainficirdnen-262433822.html
აშშ
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
აშშ , covid-19, მსოფლიოს ახალი ამბები
აშშ , covid-19, მსოფლიოს ახალი ამბები
რა იცავს „ომიკრონისგან“: აშშ-ის მთავარი ინფექციონისტის განმარტება
10:46 29.11.2021 (განახლებულია: 15:53 20.07.2023) აშშ-ის მთავარი ინფექციონისტი ენტონი ფაუჩი „ომიკრონისგან“ დასაცავად ბუსტერული დოზის გაკეთებას გვირჩევს.
თბილისი, 29 ნოემბერი — Sputnik. სპეციალისტებს კიდევ ორი კვირა სჭირდებათ იმისთვის, რომ კორონავირუსის ახალი შტამის „ომიკრონის“ მახასიათებლები განსაზღვრონ, აცნობა აშშ-ის მთავარმა ინფექციონისტმა ენტონი ფაუჩიმ პრეზიდენტ ჯო ბაიდენს. ამის შესახებ
ნათქვამია თეთრი სახლის პრეს-რელიზში.
თუმცა, როგორც აღინიშნება, ფაუჩის თქმით, არსებული ვაქცინები, დიდი ალბათობით, დაიცავს ადამიანებს დაავადების მძიმე ფორმისგან.
„როგორც დოქტორმა ფაუჩიმ აცნობა პრეზიდენტს, მიუხედავად იმისა, რომ ამ ვარიანტის გადაცემის, სიმძიმისა და სხვა მახასიათებლების შესახებ უფრო ზუსტი ინფორმაციის შეგროვებას კიდევ ორი კვირა დასჭირდება, ის კვლავაც მიიჩნევს, რომ არსებული ვაქცინები, სავარაუდოდ, უზრუნველყოფს COVID-19-ის მძიმე შემთხვევებისგან გარკვეულ დაცვას“, — ნათქვამია თეთრი სახლის განცხადებაში.
მანამდე ენტონი ფაუჩიმ განაცხადა, რომ კორონავირუსის ახალი შტამისგან დასაცავად აუცილებელია ვაქცინაცია, ხოლო ორი დოზით ვაქცინირებულებისთვის — ბუსტერული დოზის გაკეთება. მისი თქმით, ახლა უკვე დანამდვილებითაა ცნობილი, რომ ბუსტერული აცრა „მკვეთრად ზრდის დაცვის დონეს“.
ბრიტანელმა მეცნიერებმა 24 ნოემბერს გაავრცელეს ინფორმაცია, რომ ბოტსვანასა და სამხრეთ აფრიკის რესპუბლიკაში COVID-19-ის ახალი შტამი B.1.1.529 გამოვლინდა, რომლის მომჭიდებელ ცილაში 32 მუტაციაა აღმოჩენილი. ეს ზრდის ახალი შტამის მდგრადობას ვაქცინებისადმი და ასევე გადადების უნარს. თუმცა მეცნიერები იმასაც აღნიშნავენ, რომ მუტაციების დიდი რაოდენობა შტამს არასტაბილურობით ემუქრება, რაც მის გავრცელებას გააძნელებს.
ახალი შტამი ჯანმომ საგანგებო სხდომაზე „შეშფოთების გამომწვევად“ აღიარა და ბერძნული ანბანის მეთხუთმეტე ასოს მიხედვით „ომიკრონი“ უწოდა. ამ დროისათვის „ომიკრონი“ უკვე დაფიქსირებულია ბელგიაში, ისრაელში, ავსტრალიაში, გერმანიაში, დიდ ბრიტანეთში, ნიდერლანდსა და სხვა ქვეყნებში. ჯერჯერობით ყველა გამოვლენილი შემთხვევა სხვა ქვეყნიდანაა შეტანილი. რიგმა სახელმწიფოებმა უკვე ჩაკეტეს საზღვრები აფრიკის ქვეყნებიდან ჩამსვლელებისთვის.
