https://sputnik-georgia.com/20211125/saqartvelos-legendas-mkurnaloba-chirdeba-262367441.html
საქართველოს ლეგენდას მკურნალობა სჭირდება
საქართველოს ლეგენდას მკურნალობა სჭირდება
Sputnik საქართველო
საქართველოში ყველაზე ძველი და დიდი ხე თელავში დგას. ის უამრავი რამის მომსწრეა, რადგან მისი ასაკი დაახლოებით ათასი წელია. ამ ადგილს ყველა იცნობს, ქვეყნის... 25.11.2021-ს, Sputnik საქართველო
2021-11-25T16:39+0400
2021-11-25T16:39+0400
2021-11-25T23:41+0400
მულტიმედია
კარიკატურები
https://cdnn1.img.sputnik-georgia.com/img/07e5/0b/19/262348363_0:188:1281:908_1920x0_80_0_0_1025fc8be24e8fe0eaf44ae25ac5713c.jpg
ჭადრის სიმაღლე 46 მეტრია, სიგანე კი 12 მეტრს აღწევს. თუმცა ახლა გიგანტი დასნეულდა, სპეციალისტები კი მისი გადარჩენისთვის ბრძოლას იწყებენ. ხეს ძირში დიდი ფუღურო გაუჩნდა, რომელშიც შესვლაც შესაძლებელია. ცოტა ხნის წინ აქ რამდენიმე ლეკვიც იპოვეს.ჭადრის გადასარჩენად მალე შეისწავლიან ნიადაგის მდგომარეობას ხის გარშემო. გიგანტს მალე შემოსაზღვრავენ, რათა ტურისტებმა ფესვებზე სიარულით პრობლემა კიდევ უფრო არ გააღრმავონ. სპეციალისტების აზრით, საჭიროა ულტრაბგერითი დიაგნოსტიკა, თუმცა ამას სერიოზული ფინანსები სჭირდება.ჭადარი „ბატონის ციხის“ მიმდებარედ დგას. მას ახსოვს ჯალალ ედ-დინის, შაჰ აბასის, აღა მაჰმად-ხანის და უმა-ხანის შემოსევები. მისი თანდასწრებით იწერებოდა საქართველოს ისტორიის სევდიანი გვერდები, როდესაც კახეთის სამეფოს ასობით ათას მოსახლეს სპარსეთში ასახლებდნენ.ერთ-ერთი ლეგენდის თანახმად, ჭადარი მეფე ფარნავაზმა დარგო. იბერიული ჭადრის (Platanus Ibericius) შესახებ ჯერ კიდევ რომაელები წერდნენ. გიგანტური ხის შესახებ საკუთარ ნაშრომებში წერდა ბერძენი გეოგრაფი სტრაბონიც, რომელიც აღნიშნავდა, რომ იბერიის სამეფოში დგას ჭადარი, რომელსაც განსაკუთრებული მნიშვნელობა აქვს მოსახლეობისთვის.შაჰ აბასის ურდომ საქართველოში შემოჭრისას თითქმის მთელი თელავი გაანადგურა, თუმცა ჭადარი არც მოუჭრია და არც დაუწვია, რადგან იცოდა, რომ ქართველებისთვის ეს წმინდა ადგილი იყო. ჭადრის შესახებ მოხსენიებულია „კახეთის მეფე თეიმურაზის მმართველობის“ ისტორიულ ქრონიკაშიც.
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/0b/19/262348363_0:0:1211:908_1920x0_80_0_0_f35286ed587f94e3623f1970848e6d57.jpgSputnik საქართველო
media@sputniknews.com
+74956456601
MIA „Rosiya Segodnya“
მულტიმედია, კარიკატურები, инфографика
მულტიმედია, კარიკატურები, инфографика
საქართველოს ლეგენდას მკურნალობა სჭირდება
16:39 25.11.2021 (განახლებულია: 23:41 25.11.2021) საქართველოში ყველაზე ძველი და დიდი ხე თელავში დგას. ის უამრავი რამის მომსწრეა, რადგან მისი ასაკი დაახლოებით ათასი წელია. ამ ადგილს ყველა იცნობს, ქვეყნის მკვიდრებიცა და ტურისტებიც, რომლებიც თელავს სტუმრობენ. ახლა ამ ჭადარს დახმარება ესაჭიროება.
ჭადრის სიმაღლე 46 მეტრია, სიგანე კი 12 მეტრს აღწევს. თუმცა ახლა გიგანტი დასნეულდა, სპეციალისტები კი მისი გადარჩენისთვის ბრძოლას იწყებენ. ხეს ძირში დიდი ფუღურო გაუჩნდა, რომელშიც შესვლაც შესაძლებელია. ცოტა ხნის წინ აქ რამდენიმე ლეკვიც იპოვეს.
ჭადრის გადასარჩენად მალე შეისწავლიან ნიადაგის მდგომარეობას ხის გარშემო. გიგანტს მალე შემოსაზღვრავენ, რათა ტურისტებმა ფესვებზე სიარულით პრობლემა კიდევ უფრო არ გააღრმავონ. სპეციალისტების აზრით, საჭიროა ულტრაბგერითი დიაგნოსტიკა, თუმცა ამას სერიოზული ფინანსები სჭირდება.
ჭადარი „ბატონის ციხის“ მიმდებარედ დგას. მას ახსოვს ჯალალ ედ-დინის, შაჰ აბასის, აღა მაჰმად-ხანის და უმა-ხანის შემოსევები. მისი თანდასწრებით იწერებოდა საქართველოს ისტორიის სევდიანი გვერდები, როდესაც კახეთის სამეფოს ასობით ათას მოსახლეს სპარსეთში ასახლებდნენ.
ერთ-ერთი ლეგენდის თანახმად, ჭადარი მეფე ფარნავაზმა დარგო. იბერიული ჭადრის (Platanus Ibericius) შესახებ ჯერ კიდევ რომაელები წერდნენ. გიგანტური ხის შესახებ საკუთარ ნაშრომებში წერდა ბერძენი გეოგრაფი სტრაბონიც, რომელიც აღნიშნავდა, რომ იბერიის სამეფოში დგას ჭადარი, რომელსაც განსაკუთრებული მნიშვნელობა აქვს მოსახლეობისთვის.
შაჰ აბასის ურდომ საქართველოში შემოჭრისას თითქმის მთელი თელავი გაანადგურა, თუმცა ჭადარი არც მოუჭრია და არც დაუწვია, რადგან იცოდა, რომ ქართველებისთვის ეს წმინდა ადგილი იყო. ჭადრის შესახებ მოხსენიებულია „კახეთის მეფე თეიმურაზის მმართველობის“ ისტორიულ ქრონიკაშიც.