„ნერვიულობის ნიადაგზე შაქარიც დავმართე...“ – ნინი ქარსელაძე
14:05 23.11.2021 (განახლებულია: 20:24 23.11.2021)
© courtesy of Nini Karseladze
გამოწერა
სულ ცოტა ხნის წინ ცნობილი გახდა, რომ ხათუნა ჟორდანიამ მძიმე სენის დამარცხება შეძლო და სრულიად გამოჯანმრთელდა. ეს ამბავი მან სოციალურ ქსელშიც დაწერა და მეგობრებისგან უამრავი მილოცვა მიიღო. თუმცა, როგორც ნინი ქარსელაძემ ჟურნალ „თბილისელებთან“ ინტერვიუში თქვა, დიდ სიხარულთან ერთად, მათ ოჯახში დიდი მწუხარებაც იყო.
როგორც მომღერალი ამბობს, ამ ამბამდე ცოტა ხნით ადრე მისი დეიდაშვილი დაიღუპა ავარიაში და ამ ტრაგედიის გამო ძალიან დაძაბულები და განადგურებულები იყვნენ. მაგრამ კიდევ ერთხელ მიხვდა, რომ მხოლოდ სიყვარული გადაგვარჩენს.
„რამდენად მტკივნეულიც იყო ხათუნას ამბები, იმდენი კარგიც დავინახე, რომ დედაჩემს ჰყავს მეგობრები, რომლებიც ჩემი დეიდები არიან და მათ გარეშე მე ამ გზას ვერ გავივლიდი. რა თქმა უნდა, ჩემს ოჯახთან ერთად, მათზე არც ვსაუბრობ. რამდენიმე მათგანს ნერვიულობის ნიადაგზე შაქარიც დავმართე. თქვენი ჟურნალის მეშვეობით მათ ბოდიშს მოვუხდი და მადლობას ვეტყვი ყველა წამისთვის და გვერდში დგომისთვის. მთელი ცხოვრება ვილოცებ იმისთვის, რომ უფალმა მათ თავისნაირი ადამიანები არ მოაკლოთ“, – ამბობს ნინი ქარსელაძე.
მეუღლის ავადმყოფობის შესახებ ინფორმაცია ზურა ხაჩიძემ გაავრცელა. მას შემდეგ ზურასა და ხათუნას ოჯახის მიმართ ყურადღება არ ნელდება. ხათუნა ჟორდანიას ფილტვის სიმსივნე დაუდგინეს. მათ ამის შესახებ მას შემდეგ გაიგეს, როდესაც ხათუნამ ექიმს ხველების გამო მიაკითხა. კონსულტაციის შემდეგ მომღერლის მეუღლეს ქიმიოთერაპიის რამდენიმე კურსი ჩაუტარდა.
