საქართველოში ელექტროენერგიის მოხმარება იზრდება – ბოლო მონაცემები

© photo: Sputnikელექტროგადამცემი ხაზი
ელექტროგადამცემი ხაზი - Sputnik საქართველო, 1920, 19.11.2021
გამოწერა
საანგარიშო პერიოდში მეზობელი ქვეყნებიდან ელექტროენერგიის იმპორტმა მთლიანი მოხმარების 13,8% შეადგინა.
თბილისი, 19 ნოემბერი — Sputnik. 2021 წლის დასაწყისიდან ათ თვეში საქართველოში ელექტროენერგიის მოხმარებამ 12,3 მლრდ კვტ/სთ შეადგინა, რაც გასული წლის ანალოგიურ პერიოდთან შედარებით 21,8%-ით მეტია, ნათქვამია ელექტროენერგეტიკული ბაზრის ოპერატორის (ESCO) განცხადებაში.
ოპერატორის მონაცემებით, იანვრიდან ოქტომბრის ჩათვლით პერიოდში ელექტროენერგიის საკუთარმა გამომუშავებამ 10,2 მლრდ კვტ/სთ შეადგინა.
გამომუშავებული ენერგიის დიდი წილი ჰიდროელექტროსადგურებზე მოდის – 8,7 მლრდ კვტ/სთ. თბოელექტროსადგურების მიერ გამომუშავებულია დაახლოებით 1,5 მლრდ კვტ/სთ, ქართლის ქარის სადგურმა კი 72,1 მლნ კვტ/სთ გამოიმუშავა.
ელექტროენერგიის მრიცხველები - Sputnik საქართველო, 1920, 08.11.2021
საქართველოს მოსახლეობის მიერ ელექტროენერგიის ხარჯვას „ჭკვიანი მრიცხველები“ გამოითვლიან
საქართველოში ელექტროენერგიის დეფიციტის შევსება ხდებოდა მეზობელი ქვეყნებიდან განხორციელებული იმპორტის ხარჯზე.
მიმდინარე წლის იანვრიდან ოქტომბრის ჩათვლით პერიოდში საქართველოში იმპორტირებულია 1,7 მლრდ კვტ/სთ ელექტროენერგია, მათ შორის რუსეთიდან 1 მლრდ კვტ/სთ-ზე მეტი, თურქეთიდან 161,2 მლნ კვტ/სთ, აზერბაიჯანიდან კი 505,7 მლნ კვტ/სთ ელექტროენერგია.
საანგარიშო პერიოდში ქვეყნიდან ექსპორტმა შეადგინა 382,7 მლნ კვტ/სთ.
საქართველოში ელექტროენერგიის მოხმარება ყოველწლიურად იზრდება.
სპეციალისტების პროგნოზით, 2030 წლისთვის ქვეყანა სერიოზული ენერგოდეფიციტის წინაშე აღმოჩნდება, რამდენადაც იმ დროისათვის ელექტროენერგიის მოხმარება თითქმის 70%-ით გაიზრდება და 22 მლრდ კვტ/სთ-ს მიაღწევს.
მეზობელ ქვეყნებზე ენერგოდამოკიდებულების შემცირებისთვის ხელისუფლება მაქსიმალურად ცდილობს გამოიყენოს ადგილობრივი განახლებადი რესურსები.
ყველა ახალი ამბავი
0