https://sputnik-georgia.com/20211117/tbilissi-galaktionis-ucnobi-xelnawerebi-gamouqveynebeli-poemebi-da-werilebi-gamoifina-262165544.html
თბილისში გალაკტიონის უცნობი ხელნაწერები, გამოუქვეყნებელი პოემები და წერილები გამოიფინა
თბილისში გალაკტიონის უცნობი ხელნაწერები, გამოუქვეყნებელი პოემები და წერილები გამოიფინა
Sputnik საქართველო
უნიკალური გამოფენა ხელნაწერთა ეროვნულ ცენტრში დღეს გაიხსნა და 30 ნოემბრამდე გასტანს. 17.11.2021-ს, Sputnik საქართველო
2021-11-17T22:24+0400
2021-11-17T22:24+0400
2021-11-18T00:12+0400
ახალი ამბები
საქართველო
კულტურა საქართველოში
https://cdnn1.img.sputnik-georgia.com/img/23385/05/233850526_0:596:1521:1452_1920x0_80_0_0_132573e5e962104953cbdffbda8afde8.jpg
თბილისი, 17 ნოემბერი — Sputnik. ხელნაწერთა ეროვნულ ცენტრში საზოგადოებისთვის გალაკტიონ ტაბიძის დღემდე უცნობი უნიკალური ხელნაწერები გამოიფინა.ექსპოზიცია პოეტის 130 წლის იუბილეს აღსანიშნავად მომზადდა, სადაც გალაკტიონის ხელნაწერ ლექსებთან ერთად მისი პირადი ჩანაწერები და მის მიერვე შესრულებული ილუსტრაციებიც გამოიფინა.გალაკტიონ ტაბიძის ნამუშევრების არქივი ხელნაწერთა ეროვნულმა ცენტრმა კერძო პირისგან შეისყიდა. გამოფენა პოეტის სამუშაო პროცესს ასახავს. ექსპოზიციაზე გამოტანილ 62 ფურცელზე კარგად ჩანს, როგორ მუშაობდა ის თითოეულ ლექსსა და რითმაზე.გალაკტიონის 130 წლისადმი მიძღვნილი გამოფენის ნახვას დამთვალიერებელი 18 ნოემბრიდან 30 ნოემბრის ჩათვლით შეძლებს.გალაკტიონ ტაბიძე 1891 წლის 17 ნოემბერს ვანის რაიონში, სოფელ ჭყვიშში დაიბადა. 1900 წელს ჩაირიცხა ქუთაისის სასულიერო სასწავლებელში. 1908 წლიდან სწავლა განაგრძო თბილისის სასულიერო სემინარიაში. 1910-1911 წლებში მუშაობდა მასწავლებლად. 1917-1918 წლებში იმყოფებოდა მოსკოვსა და პეტროგრადში. 1914 წელს გამოდის მისი ლექსების პირველი კრებული, რომელმაც ერთბაშად მიიპყრო საზოგადოების ყურადღება და დიდი პოპულარობა მოიპოვა, ხოლო 1919 გამოცემულმა „არტისტულმა ყვავილებმა“ ავტორს „პოეტების მეფის“ სახელი მოუტანეს.1919 წლიდან ცხოვრობდა და მოღვაწეობდა თბილისში. 1922-1923 წლებში გამოსცემდა „გალაკტიონ ტაბიძის ჟურნალს“. იყო ჟურნალ „მნათობის“ ერთ-ერთი ფუძემდებელი. 1935 წელს პარიზში მონაწილეობდა ანტიფაშისტურ კონგრესში. გალაკტიონი 1959 წლის 17 მარტს 67 წლის ასაკში გარდაიცვალა.
https://sputnik-georgia.com/20150825/228387904.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საქართველო, კულტურა საქართველოში
ახალი ამბები, საქართველო, კულტურა საქართველოში
თბილისში გალაკტიონის უცნობი ხელნაწერები, გამოუქვეყნებელი პოემები და წერილები გამოიფინა
22:24 17.11.2021 (განახლებულია: 00:12 18.11.2021) უნიკალური გამოფენა ხელნაწერთა ეროვნულ ცენტრში დღეს გაიხსნა და 30 ნოემბრამდე გასტანს.
თბილისი, 17 ნოემბერი — Sputnik. ხელნაწერთა ეროვნულ ცენტრში საზოგადოებისთვის გალაკტიონ ტაბიძის დღემდე უცნობი უნიკალური ხელნაწერები
გამოიფინა.
ექსპოზიცია პოეტის 130 წლის იუბილეს აღსანიშნავად მომზადდა, სადაც გალაკტიონის ხელნაწერ ლექსებთან ერთად მისი პირადი ჩანაწერები და მის მიერვე შესრულებული ილუსტრაციებიც გამოიფინა.
გალაკტიონ ტაბიძის ნამუშევრების არქივი ხელნაწერთა ეროვნულმა ცენტრმა კერძო პირისგან შეისყიდა. გამოფენა პოეტის სამუშაო პროცესს ასახავს. ექსპოზიციაზე გამოტანილ 62 ფურცელზე კარგად ჩანს, როგორ მუშაობდა ის თითოეულ ლექსსა და რითმაზე.
გალაკტიონის 130 წლისადმი მიძღვნილი გამოფენის ნახვას დამთვალიერებელი 18 ნოემბრიდან 30 ნოემბრის ჩათვლით შეძლებს.
გალაკტიონ ტაბიძე 1891 წლის 17 ნოემბერს ვანის რაიონში, სოფელ ჭყვიშში დაიბადა. 1900 წელს ჩაირიცხა ქუთაისის სასულიერო სასწავლებელში. 1908 წლიდან სწავლა განაგრძო თბილისის სასულიერო სემინარიაში. 1910-1911 წლებში მუშაობდა მასწავლებლად. 1917-1918 წლებში იმყოფებოდა მოსკოვსა და პეტროგრადში. 1914 წელს გამოდის მისი ლექსების პირველი კრებული, რომელმაც ერთბაშად მიიპყრო საზოგადოების ყურადღება და დიდი პოპულარობა მოიპოვა, ხოლო 1919 გამოცემულმა „არტისტულმა ყვავილებმა“ ავტორს „პოეტების მეფის“ სახელი მოუტანეს.
1919 წლიდან ცხოვრობდა და მოღვაწეობდა თბილისში. 1922-1923 წლებში გამოსცემდა „გალაკტიონ ტაბიძის ჟურნალს“. იყო ჟურნალ „მნათობის“ ერთ-ერთი ფუძემდებელი. 1935 წელს პარიზში მონაწილეობდა ანტიფაშისტურ კონგრესში.
გალაკტიონი 1959 წლის 17 მარტს 67 წლის ასაკში გარდაიცვალა.
