თბილისში საახალწლო დეკორაციებს განაახლებენ

© Sputnik / STRINGERსაახალწლო დეკორაცია
საახალწლო დეკორაცია - Sputnik საქართველო, 1920, 17.11.2021
გამოწერა
თბილისში ახალი წლისთვის მზადება უკვე დაიწყო – ქალაქის ქუჩებში საახალწლო ილუმინაციები გაჩნდა.
თბილისი, 17 ნოემბერი – Sputnik. თბილისში საახალწლო დეკორაციების გასაახლებლად სამი ტენდერი გამოცხადდა, განაცხადა დედაქალაქის მერმა კახა კალაძემ დღეს გამართულ მუნიციპალიტეტის მთავრობის სხდომაზე.
სამივე ტენდერის ჯამური ღირებულება 207.000 ლარია. ორი ტენდერი საახალწლო აქსესუარებისა და განათებების, ხოლო ერთი – საახალწლო თემატიკის დეკორატიული მატარებლის შესყიდვას ითვალისწინებს.

„ახალი წლის დღეებში თბილისი იქნება განსაკუთრებულად ლამაზი, მოწესრიგებული და განათებული, რაც, დარწმუნებული ვარ, არა მხოლოდ თბილისელებს, არამედ დედაქალაქის სტუმრებსაც საახალწლო ამაღლებულ განწყობას შეუქმნის“, – განაცხადა კალაძემ.

დედაქალაქის მერმა უარყო მასმედიაში გავრცელებული ინფორმაცია მთავარი ნაძვის ხის განახლების თაობაზე. მისი თქმით, არცერთი ტენდერი დედაქალაქის მთავარი ნაძვის ხის განახლებას ან შეცვლას არ ითვალისწინებს.
საახალწლო ილუმინაციები - Sputnik საქართველო, 1920, 09.11.2021
დედაქალაქში საახალწლო ილუმინაციების მონტაჟი დაიწყო
დედაქალაქის მთავარი ნაძვის ხე, რომელიც 25 მეტრის სიმაღლისაა, მერიამ 2019 წელს 304,8 ათას ევროდ შეიძინა. შარშან მანათობელ კონსტრუქციებსა და სხვადასხვა აქსესუარებზე კი 525 ათასი ევრო დახარჯა.
ტრადიციულად, მთავარი ნაძვის ხისა და საახალწლო განათებების ანთება საზეიმო ვითარებაში დეკემბრის ბოლოს ხდება.
გასულ წელს ქალაქის ქუჩების საახალწლოდ მოსართავად მერიამ 2,8 მილიონი ლარი გამოყო. ეს თანხები დაიხარჯა განათებებზე, დეკორაციასა და მთავარ ნაძვის ხეზე.
ყველა ახალი ამბავი
0