პსაკიმ კამალა ჰარისი დაიცვა: პრეს-მდივანი ტვიტს აქვეყნებს
10:40 15.11.2021 (განახლებულია: 15:53 20.07.2023)
© AP Photo / Andrew Harnikაშშ-ის ვიცე-პრეზიდენტი კამალა ჰარისი
© AP Photo / Andrew Harnik
გამოწერა
თბილისი, 15 ნოემბერი — Sputnik. თეთრი სახლის პრეს-მდივანმა ჯენ პსაკიმ მკვეთრად უპასუხა ვიცე-პრეზიდენტ კამალა ჰარისის მიმართ გამოთქმულ კრიტიკას და განაცხადა, რომ ჰარისი პრეზიდენტ ჯო ბაიდენის „მნიშვნელოვანი პარტნიორია“.
შესაბამისი განცხადება პსაკიმ საკუთარ Twitter-ზე მას შემდეგ გამოაქვეყნა, რაც ჰარისის ამჟამინდელმა და ყოფილმა თანაშემწეებმა, ადმინისტრაციის დემოკრატმა წევრებმა და სხვა ჩინოვნიკებმა ტელეარხ CNN-თან ინტერვიუში ვიცე-პრეზიდენტი გააკრიტიკეს. მათი თქმით, ჰარისი „მზად არ არის“ თავისი მოვალეობების შესასრულებლად.
For anyone who needs to hear it. @VP is not only a vital partner to @POTUS but a bold leader who has taken on key, important challenges facing the country—from voting rights to addressing root causes of migration to expanding broadband.
— Jen Psaki (@PressSec) November 15, 2021
გარდა ამისა, წყაროების ცნობით, თავად კამალა ჰარისმაც დაიჩივლა, რომ პოლიტიკურ მოღვაწეობაში თავს შეზღუდულად გრძნობს.
„ყველას, ვისთვისაც მნიშვნელოვანია გაიგონოს: ჰარისი არის არა მარტო მნიშვნელოვანი პარტნიორი [ჯო ბაიდენისთვის], არამედ გაბედული ლიდერიც, რომელმაც საკუთარ თავზე აიღო ქვეყნის წინაშე მდგარი საკვანძო, მნიშვნელოვანი ამოცანების გადაჭრა — ხმის უფლებიდან მიგრაციის მიზეზების აღმოფხვრამდე და მაღალსიჩქარიანი კავშირის ქსელების გაფართოებამდე“, — დაწერა თეთრი სახლის პრეს-მდივანმა.
მანამდე, სექტემბრის ბოლოს აშშ-ის კონგრესის რესპუბლიკელმა წევრებმა პრეზიდენტ ჯო ბაიდენის გადაყენება მოითხოვეს, განაცხადეს რა, რომ მან შეცდომები დაუშვა ავღანეთიდან ჯარების გამოყვანისას. ამასთან პრეტენზიები შეეხო ვიცე-პრეზიდენტ კამალა ჰარისსაც — რესპუბლიკელები მისთვის იმპიჩმენტის გამოცხადებას მოითხოვდნენ.