პარკინსონის სამი ადრეული ნიშანი ხმასა და მეტყველებაში: ამერიკელი ექიმები განმარტავენ

© Pixabay / StockSnapპარკინსონი
პარკინსონი - Sputnik საქართველო, 1920, 10.11.2021
გამოწერა
თბილისი, 10 ნოემბერი — Sputnik. პარკინსონის დაავადების ერთ-ერთი ყველაზე სახასიათო სიმპტომი ტრემორია, თუმცა არსებობს სხვა ნიშნებიც, რომლებიც კიდევ უფრო ადრე ვლინდება და შესაძლოა პარკინსონის დაავადებაზე მეტყველებდეს, წერს გამოცემა Daily Express-ი.
აშშ-ის პარკინსონის დაავადების ასოციაციის (APDA) სპეციალისტების თქმით, გარდა მოტორული სიმპტომებისა (კანკალი, მოძრაობის შენელება და შებოჭილობა), მეხსიერების პრობლემებისა, დეპრესიისა და შფოთვისა, პარკინსონის ხშირი სიმპტომი ასევე არის ხმის ცვლილებაც.

„ხმა შეიძლება გახდეს უფრო ჩუმი, ან ჯერ გაძლიერდეს, მერე კი დასუსტდეს. შეიძლება გაქრეს ხმის სიმაღლისა და ემოციის შეგრძნება, რის გამოც ადამიანი მონოტონურად საუბარს იწყებს“, — აცხადებენ APDA-ში.

ამასთან, პარკინსონის უფრო რთული სტადიის დროს:
მეტყველება შეიძლება გახდეს ბევრად სწრაფი,
სიტყვები ერთმანეთზე მიწყობილი,
გაჩნდეს ენის ბორძიკი.
ფეხშიშველი ადამიანი - Sputnik საქართველო, 1920, 13.10.2021
პარკინსონის დაავადება: ადრეული ნიშნები ტერფებსა და ფეხის თითებზე
გარდა ამისა, დიდი ბრიტანეთის ჯანდაცვის ეროვნული სამსახურის (NHS) განმარტებით, „პარკინსონით დაავადებულებში შესაძლოა თავი იჩინოს სხვა ფიზიკური და ფსიქოლოგიური სიმპტომების ფართო სპექტრმა“. მათ შორისაა: წონასწორობის პრობლემა, სუნის დაკარგვა და ძილის პრობლემები.
როგორც NHS-ის სპეციალისტები ამბობენ, პარკინსონით დაავადებული პაციენტების უმეტესობას სიმპტომები 50 წლის შემდეგ უჩნდება, თუმცა დაახლოებით ყოველი მეოცე ადამიანი პირველ ნიშნებს უკვე 40 წლის ასაკში გრძნობს.
ყველა ახალი ამბავი
0