აქციის მონაწილეები რუსთავის ციხესთან კარვებს შლიან

© photo: Sputnik / Vladimir Umikashviliსააკაშვილის მხარდასაჭერად გამართული აქცია
სააკაშვილის მხარდასაჭერად გამართული აქცია - Sputnik საქართველო, 1920, 06.11.2021
გამოწერა
პოლიცია მოვლენებში არ ერევა. მომიტინგეები ღამით კარვებში დარჩენას აპირებენ
თბილისი, 6 ნოემბერი - Sputnik. მომიტინგეები კარვებს შლიან რუსთავის ციხესთან, სადაც სასჯელს იხდის და 37-ე დღე შიმშილობს ექს-პრეზიდენტი მიხეილ სააკაშვილი, და იქ ღამის გათენებას აპირებენ, ადგილიდან იტყობინება Sputnik-საქართველოს კორესპონდენტი.
კარვები ციხის შესასვლელთან არის გაშლილი. მომიტინგეები იქ დარჩენას აპირებენ მთელი ღამისა და მომდევნო დღეების განმავლობაში, სანამ სააკაშვილს სამოქალაქო კლინიკაში არ გადაიყვანენ.
რუსთავში მიმდინარე აქციის მონაწილეების ძირითადი მოთხოვნებია - ექს-პრეზიდენტის სამოქალაქო კლინიკაში გადაყვანა და ვადამდელი არჩევნების ჩატარება.
აქციაზე რამდენიმე ათასი ადამიანია შეკრებილი. ისინი სცენასთან შეიკრიბნენ, მათ უკავიათ დროშები და ლოზუნგები „თავისუფლება სააკაშვილს“.
სააკაშვილის მხარდამჭერი აქცია - Sputnik საქართველო, 1920, 06.11.2021
რუსთავის ციხესთან საპროტესტო აქცია მიმდინარეობს
მიხეილ სააკაშვილი უკრაინიდან საქართველოში 29 სექტემბერს მალულად ჩამოვიდა და 1 ოქტომბერს ის თბილისში დააკავეს. სააკაშვილი თავს პოლიტიკურ პატიმრად მიიჩნევს, ხოლო მის წინააღმდეგ მიმდინარე სისხლის სამართლის საქმეებს – ფაბრიკაციად.
ყოფილი პრეზიდენტი სასამართლომ დაუსწრებლად ცნო დამნაშავედ სანდრო გირგვლიანის მკვლელობის საქმეზე დაპატიმრებულთა შეწყალების და დეპუტატ ვალერი გელაშვილის ცემის საქმეებზე. მას 6 წლით თავისუფლების აღკვეთა აქვს მისჯილი.
ყველა ახალი ამბავი
0