https://sputnik-georgia.com/20211104/gabunia-kovid-pasportebze-261786910.html
თამარ გაბუნია: ე.წ. მწვანე საშვის შემოღებისთვის ბიზნესისგან გარანტიებია საჭირო
თამარ გაბუნია: ე.წ. მწვანე საშვის შემოღებისთვის ბიზნესისგან გარანტიებია საჭირო
Sputnik საქართველო
მინისტრის მოადგილის განმარტებით, კოვიდ-პასპორტის შემოღების შემთხვევაში ქვეყანაში მოქმედი ყველა რეგულაცია ძალაში დარჩება. 04.11.2021-ს, Sputnik საქართველო
2021-11-04T13:40+0400
2021-11-04T13:40+0400
2023-08-17T18:15+0400
covid-19 - ბოლო ცნობები
საზოგადოება
ახალი ამბები
საქართველო
covid-19
https://cdnn1.img.sputnik-georgia.com/img/07e5/01/15/250670792_0:17:1080:625_1920x0_80_0_0_55b3d4e19147186fc0c456ab1cfdcde7.jpg
თბილისი, 4 ნოემბერი − Sputnik. ქვეყანაში შექმნილი მძიმე ეპიდვითარების ფონზე აუცილებელია საინფორმაციო კამპანიის კიდევ უფრო გააქტიურება და ვაქცინაციის მარათონის გაფართოება როგორც სოფლად, ისე დიდ ქალაქებში, განაცხადა ჯანდაცვის მინისტრის მოადგილემ თამარ გაბუნიამ საკოორდინაციო საბჭოს სხდომის დასრულების შემდეგ გამართულ ბრიფინგზე.„ქვეყანაში ეპიდემიოლოგიური მდგომარეობა ყოველდღიურად მძიმდება. რამდენიმე დიდი ქალაქი, მათ შორის თბილისი, ბათუმი, ქუთაისი 10-15%-ით ჩამორჩება COVID-19-ის ვაქცინაციის სამიზნე 60%-იან მაჩვენებელს. ძალზე მნიშვნელოვანია, რომ ამ ქალაქებში აცრილთა რაოდენობა უფრო მეტად გაიზარდოს“, – აღნიშნა თამარ გაბუნიამ. დაავადებათა კონტროლის ეროვნული ცენტრის ხელმძღვანელმა ამირან გამყრელიძემ, თავის მხრივ, განაცხადა, რომ ვაქცინაციის აქტიური მარათონი ჩატარდება ქვეყნის ათ ქალაქში – თბილისში, ქუთაისში, ბათუმში, რუსთავში, თელავში, გორში, ახალციხეში, ზუგდიდში, ფოთსა და ოზურგეთში.გამყრელიძის თქმით, საქართველოს სამ რეგიონში – თბილისში, აჭარასა და რაჭა-ლეჩხუმი და ქვემო სვანეთში ვაქცინაციის მაჩვენებელი ჩამორჩება 60%-ს. კერძოდ, თბილისში ვაქცინირებულია ზრდასრული მოსახლეობის 50%-მდე, აჭარასა და რაჭა–ლეჩხუმში კი მოსახლეობის 40–45%.საქართველოში ვაქცინაციის მარათონი ოქტომბერში დაიწყო და წლის ბოლომდე გაგრძელდება.რაც შეეხება კოვიდ-პასპორტების საკითხს, რომლის შემოღებასაც ეპიდემიოლოგები ბოლო პერიოდში აქტიურად მოითხოვენ, გაბუნიას თქმით, საკოორდინაციო საბჭომ აღნიშნულ საკითხთან დაკავშირებითაც იმსჯელა, ამ მიმართულებით კონსულტაციები გაგრძელდება და საბოლოო გადაწყვეტილებას საკოორდინაციო საბჭო უახლოეს პერიოდში მიიღებს.ამასთან, მინისტრის მოადგილის განმარტებით, კოვიდ-პასპორტის შემოღების შემთხვევაში ქვეყანაში მოქმედი ყველა რეგულაცია ძალაში დარჩება და ე.წ. მწვანე საშვი ვერც ერთ რეგულაციას ვერ ჩაანაცვლებს.გაბუნიას თქმით, მნიშვნელოვანია მოხდეს პირბადის ტარების კონტროლის გამკაცრება როგორც დახურულ, ისე ღია სივრცეებში. საკოორდინაციო საბჭოს სხდომას დღეს პირველად დაესწრო პრეზიდენტი სალომე ზურაბიშვილი, რომელმაც გუშინ გამართულ სპეციალურ ბრიფინგზე რიგი ინიციატივები წამოაყენა. კერძოდ, ზურაბიშვილმა ქვეყანაში სავალდებულო ვაქცინაციის, კოვიდ-პასპორტების და არავაქცინირებული კოვიდ-ინფიცირებულებისთვის ფასიანი მკურნალობის შემოღებასთან დაკავშირებით გააკეთა განცხადება.4 ნოემბრის მონაცემებით, ქვეყანაში ჩატარებულია 1.990.501 აცრა. ამ ეტაპზე მინიმუმ ერთი დოზით აცრილია 1.041.751 ადამიანი. ერთი ან ორივე დოზით ჯამში აცრილია ზრდასრული მოსახლეობის 36,7%. სრულად (ორჯერადად) ვაქცინირებულია 946.395 ადამიანი – ზრდასრული მოსახლეობის 33,1%. 3 ნოემბერს აიცრა 3.469 ადამიანი.
https://sputnik-georgia.com/20211104/chxaidze-savaldebulo-vaqcinacia-da-kovid-pasportebi-aucilebelia-261778340.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საზოგადოება, ახალი ამბები, საქართველო, covid-19
საზოგადოება, ახალი ამბები, საქართველო, covid-19
თამარ გაბუნია: ე.წ. მწვანე საშვის შემოღებისთვის ბიზნესისგან გარანტიებია საჭირო
13:40 04.11.2021 (განახლებულია: 18:15 17.08.2023) მინისტრის მოადგილის განმარტებით, კოვიდ-პასპორტის შემოღების შემთხვევაში ქვეყანაში მოქმედი ყველა რეგულაცია ძალაში დარჩება.
თბილისი, 4 ნოემბერი − Sputnik. ქვეყანაში შექმნილი მძიმე ეპიდვითარების ფონზე აუცილებელია საინფორმაციო კამპანიის კიდევ უფრო გააქტიურება და ვაქცინაციის მარათონის გაფართოება როგორც სოფლად, ისე დიდ ქალაქებში, განაცხადა ჯანდაცვის მინისტრის მოადგილემ თამარ გაბუნიამ საკოორდინაციო საბჭოს სხდომის დასრულების შემდეგ გამართულ ბრიფინგზე.
„ქვეყანაში ეპიდემიოლოგიური მდგომარეობა ყოველდღიურად მძიმდება. რამდენიმე დიდი ქალაქი, მათ შორის თბილისი, ბათუმი, ქუთაისი 10-15%-ით ჩამორჩება COVID-19-ის ვაქცინაციის სამიზნე 60%-იან მაჩვენებელს. ძალზე მნიშვნელოვანია, რომ ამ ქალაქებში აცრილთა რაოდენობა უფრო მეტად გაიზარდოს“, – აღნიშნა თამარ გაბუნიამ.
დაავადებათა კონტროლის ეროვნული ცენტრის ხელმძღვანელმა ამირან გამყრელიძემ, თავის მხრივ, განაცხადა, რომ ვაქცინაციის აქტიური მარათონი ჩატარდება ქვეყნის ათ ქალაქში – თბილისში, ქუთაისში, ბათუმში, რუსთავში, თელავში, გორში, ახალციხეში, ზუგდიდში, ფოთსა და ოზურგეთში.
გამყრელიძის თქმით, საქართველოს სამ რეგიონში – თბილისში, აჭარასა და რაჭა-ლეჩხუმი და ქვემო სვანეთში ვაქცინაციის მაჩვენებელი ჩამორჩება 60%-ს. კერძოდ, თბილისში ვაქცინირებულია ზრდასრული მოსახლეობის 50%-მდე, აჭარასა და რაჭა–ლეჩხუმში კი მოსახლეობის 40–45%.
საქართველოში ვაქცინაციის მარათონი ოქტომბერში დაიწყო და წლის ბოლომდე გაგრძელდება.
რაც შეეხება კოვიდ-პასპორტების საკითხს, რომლის შემოღებასაც ეპიდემიოლოგები ბოლო პერიოდში აქტიურად მოითხოვენ, გაბუნიას თქმით, საკოორდინაციო საბჭომ აღნიშნულ საკითხთან დაკავშირებითაც იმსჯელა, ამ მიმართულებით კონსულტაციები გაგრძელდება და საბოლოო გადაწყვეტილებას საკოორდინაციო საბჭო უახლოეს პერიოდში მიიღებს.
„ე.წ. მწვანე საშვის შემოღებისთვის ყველა პირობა უნდა იყოს შექმნილი, რათა აღსრულების ნაწილში არ შეიქმნას შეფერხებები და ამან არ გამოიწვიოს ფალსიფიკაცია და გაყალბება. ვიდრე ბიზნესი თავად არ გამოხატავს მზადყოფნას და გარანტიებს არ მოგვცემს იმასთან დაკავშირებით, რომ მათ ტერიტორიაზე კოვიდ-პასპორტის გარეშე ვერც ერთი პირი ვერ მოხვდება, მანამდე ე.წ. მწვანე საშვის შემოღება ფორმალობა იქნება. ახლა სწორედ ამ გარანტიებზე მიდის მუშაობა", – განაცხადა გაბუნიამ.
ამასთან, მინისტრის მოადგილის განმარტებით, კოვიდ-პასპორტის შემოღების შემთხვევაში ქვეყანაში მოქმედი ყველა რეგულაცია ძალაში დარჩება და ე.წ. მწვანე საშვი ვერც ერთ რეგულაციას ვერ ჩაანაცვლებს.
გაბუნიას თქმით, მნიშვნელოვანია მოხდეს პირბადის ტარების კონტროლის გამკაცრება როგორც დახურულ, ისე ღია სივრცეებში.
საკოორდინაციო საბჭოს სხდომას დღეს პირველად დაესწრო პრეზიდენტი სალომე ზურაბიშვილი, რომელმაც გუშინ გამართულ სპეციალურ ბრიფინგზე რიგი ინიციატივები წამოაყენა. კერძოდ, ზურაბიშვილმა ქვეყანაში სავალდებულო ვაქცინაციის, კოვიდ-პასპორტების და არავაქცინირებული კოვიდ-ინფიცირებულებისთვის ფასიანი მკურნალობის შემოღებასთან დაკავშირებით გააკეთა განცხადება.
4 ნოემბრის მონაცემებით, ქვეყანაში ჩატარებულია 1.990.501 აცრა. ამ ეტაპზე მინიმუმ ერთი დოზით აცრილია 1.041.751 ადამიანი. ერთი ან ორივე დოზით ჯამში აცრილია ზრდასრული მოსახლეობის 36,7%. სრულად (ორჯერადად) ვაქცინირებულია 946.395 ადამიანი – ზრდასრული მოსახლეობის 33,1%. 3 ნოემბერს აიცრა 3.469 ადამიანი.
