Предвыборная агитация. Европейская Грузия проводит встречи с избирателями. Флаги Грузии и НАТО - Sputnik საქართველო, 1920
არჩევნები 2021
საქართველოში 2 ოქტომბერს თვითმმართველობის არჩევნები გაიმართა. კენჭისყრის შედეგების თანახმად, ზოგ ქალაქსა და რაიონში მეორე ტურის ჩატარება გახდა აუცილებელი. 30 ოქტომბერს ქვეყნის მოსახლეობა 20 მერსა და საკრებულოების 42 მაჟორიტარ დეპუტატს ირჩევს.

დეკანოიძე: „ახლა უნდა დავიცვათ ჩვენი ხმები...“

© courtesy of Khatia Dekanoidzeხატია დეკანოიძე
ხატია დეკანოიძე - Sputnik საქართველო, 1920, 30.10.2021
გამოწერა
ოპოზიციის ქუთაისის მერობის კანდიდატმა ხატია დეკანოიძემ ეგზიტპოლების პირველადი შედეგები შეაფასა.
თბილისი, 30 ოქტომბერი - Sputnik. ხუთივე დიდ ქალაქში ოპოზიციის შედეგები არის ძალიან მნიშვნელოვანი და მათ შორის ქუთაისშიც, განაცხადა ოპოზიციის ქუთაისის მერობის კანდიდატმა ხატია დეკანოიძემ.
დეკანოიძის განცხადებით, ახლა აუცილებელია ამ ხმების დაცვა, რისთვისაც ოპოზიცია ყველაფერს გააკეთებს.
„დამკვირვებლები არიან უბნებზე, გარდა ამისა, ყველას ესმის, რამდენად სასიცოცხლოა თითოეული ხმის დაცვა. ჩვენ ამისთვის გავაკეთებთ ყველაფერს, მაგრამ ახლა მინდა მოვუწოდო მათ შორის ჩემს კონკურენტს, ნუ იკადრებენ ყველაფერს. იმიტომ რომ არ ეკადრება ამ ევროპულ ქალაქს ის, რასაც მთელი დღის განმავლობაში კადრულობდა „ქართული ოცნება“ არა მხოლოდ ქუთაისში, არამედ მთელ საქართველოში“, - განაცხადა დეკანოიძემ.
საქართველოს მოსახლეობამ დღეს 20 მერი და 42 მაჟორიტარი დეპუტატი აირჩია. ამერიკული კომპანია GORBI–ის მიერი ჩატარებული ეგზიტპოლის თანახმად, ქუთაისში „ქართული ოცნება ‒ დემოკრატიული საქართველოს“ კანდიდატმა იოსებ ხახალეიშვილმა მოიპოვა 51,9%, ხოლო ხატია დეკანოიძემ– 48,1%.
ოპოზიციური ტელეარხ „მთავარი არხის“ დაკვეთით კომპანია „ანოვას“ მიერ ჩატარებული ეგზიტპოლებით კი, ხატია დეკანოიძეს აქვს 53%, ხოლო იოსებ ხახალეიშვილს - 47%.
ყველა ახალი ამბავი
0