Предвыборная агитация. Европейская Грузия проводит встречи с избирателями. Флаги Грузии и НАТО - Sputnik საქართველო, 1920
არჩევნები 2021
საქართველოში 2 ოქტომბერს თვითმმართველობის არჩევნები გაიმართა. კენჭისყრის შედეგების თანახმად, ზოგ ქალაქსა და რაიონში მეორე ტურის ჩატარება გახდა აუცილებელი. 30 ოქტომბერს ქვეყნის მოსახლეობა 20 მერსა და საკრებულოების 42 მაჟორიტარ დეპუტატს ირჩევს.

საქართველოში თვითმმართველობის არჩევნების მეორე ტური იწყება

© Sputnik / Levan Avlabreliსაარჩევნო ურნა
საარჩევნო ურნა - Sputnik საქართველო, 1920, 30.10.2021
გამოწერა
საქართველოს მოქალაქეებს საარჩევნო უბნებზე საკუთარი პოზიციის დასაფიქსირებლად ზუსტად 12 საათი ექნებათ
თბილისი, 30 ოქტომბერი — Sputnik. საქართველოში მერებისა და საკრებულოს მაჟორიტარი დეპუტატების არჩევნების მეორე ტური იწყება – ზუსტად 08:00 საათზე ქვეყანაში ყველა საარჩევნო უბანი გაიხსნება.
ქვეყნის მოსახლეობა 20 მერს და საკრებულოების 42 მაჟორიტარ დეპუტატს აირჩევს.
ქვეყანაში მეორე ტურისთვის გაიხსნება 1.830 საარჩევნო უბანი. ამასთან, პენიტენციურ დაწესებულებებში ექვსი და კოვიდ-ცენტრებში, საკარანტინო სივრცეებსა და თვითიზოლაციაში მყოფი პირებისთვის 29 სპეციალური საარჩევნო უბანი.
ერთიან საარჩევნო სიაში 2.088.722 ადამიანია. ყველაზე მეტი ამომრჩეველი თბილისშია 1.002.900.
არჩევნები ამომრჩევლის ნებისმიერი აქტივობის შემთხვევაში ჩაითვლება ჩატარებულად.
კორონავირუსის პანდემია
კორონავირუსის პანდემიიდან გამომდინარე, არჩევნები განსაკუთრებული წესებით ჩატარდება – ამომრჩევლები საარჩევნო უბნებზე უნდა გამოცხადდნენ პირბადით, კომისიის წევრები, დამკვირვებლები და მედიის წარმომადგენლები საარჩევნო უბანზე მისვლისას გაივლიან თერმოსკრინინგს და ჩაიტარებენ ანტიგენის სწრაფ ტესტს. საარჩევნო უბანზე კომისიის წევრები იქნებიან პირბადით, დამცავი ფარითა და ერთჯერადი ხელთათმანებით.
© Sputnikთვითმმართველობის არჩევნები კორონავირუსის პანდემიის პირობებში
თვითმმართველობის არჩევნები კორონავირუსის პანდემიის პირობებში - Sputnik საქართველო, 1920, 30.10.2021
თვითმმართველობის არჩევნები კორონავირუსის პანდემიის პირობებში
არჩევნებში მონაწილე პირები
20 მერის სავარძლისთვის 40 კანდიდატი იბრძოლებს. თითოეულ ქალაქში გამარჯვებული გახდება ის კანიდატი, რომელიც ამომრჩეველთა ყველაზე მეტ ხმას მიიღებს.
რაც შეეხება მაჟორიტარი დეპუტატების არჩევნებს, ამ შემთხვევაშიც სქემა იგივეა. თითოეულ რაიონში წარმოდგენილია ორი კანდიდატი და გაიმარჯვებს ის, რომელიც მოწინააღმდეგეზე უფრო მეტ ხმას მიიღებს.
დამკვირვებლები და მედია
არჩევნების პროცესს პარტიების 5.309 წარმომადგენელი, 100 ადგილობრივი ორგანიზაციის 35.198 დამკვირვებელი და 52 საერთაშორისო ორგანიზაციის 1.102 წარმომადგენელი დააკვირდება.
თვითმმართველობის არჩევნების მეორე ტურს 119 მედიასაშუალების 3.711 ჟურნალისტი და ოპერატორი გააშუქებს.
ყველა ახალი ამბავი
0